amalinks wokungena

Breaking News

Abasakhulayo Bemaphandleni Bakhala Ngokuswela Imisebenzi Ngesikhathi Kunanzwa Ilanga Lezisbenzi


Izakhamizi zeGwanda

Abasakhulayo emaphandleni bakhala ngokuswelakala kwamathuba okuthola umsebenzi osekudale ukuthi bazihlalele emakhaya bacine besenza imisebenzi eyingozi ngesikhathi kuthakazelelwa ilanga lezisebenzi eleWorkers Day.

Inengi labasakhulayo lithi lithwele amagabha avuzayo ngoba ingekho imisebenzi kuleli osekudale ukuthi ontanga esabelweni semaNdebeleni bembe igolide ukuze bathole imali yokuziphilisa.

Osakhulayo uKwakhiwe Debe osuka eSengezane ku Ward 14 eGwanda South uthi kunzima ukuthi bathole imsebenzi ngoba lembiko iphuza ukufika emaphandleni.

"Thina njengentanga amathuba okuthola imsebenzi mancane kakhulu ngoba kungaze kuvuleke imsebenzi information iyaphuza ukufika ngapha kithi sesiziphilela kuphela ngokugebha umkute sithwele nzima njengabontanga ngoba sungawelwa ngumgodi."

Amazwi la asekelwe ngomunye osakhulayo uThulani Siziba othi bahlezi bethenjiswa ize ngemisebenzi.

"Imisebenzi kithi kayikho , sihlezi siyithenjiswa njalonje kodwa asiyiboni , singaba siyicelebrater iWorkers Day kodwa sincedisa labo abasebenzayo kithi kunzima.Isifiso sethu yikuthi ngelinye ilanga lathi siqatshwe sithakazelele lelilanga ngeyinye imini."

UNkosazana Shamiso Nyathi oweNtepe uthi intanga yakhe izihlalele emakhaya ngoba kungela lapho abangasebenza khona.

"Most of the youths sihleli ezindlini akula msebenzi ungaze uwudinge abakunikezi ithuba."

Brian Mthombeni uthi ngabe uhulumende uyabavulela amathuba omsebenzi emakhaya lanxa ungaba ngowesikhathi esifitshane ukuze labo benelise ukuziphilisa.

" Inkinga silazo kuleli, siyafisa ukuthola imsebenzi kodwa ayikho okungangokuthi ngabe siyake sibizwe njengabasakhulayo ukuthi sizobambabamba lathi sikwazi ukuzimela ikuasa yethu ngoba imsebenzi ayikho eZimbabwe."

UNkosikazi Celiwe Moyo uthi besebenzelana labatsha eSengezane sebesungula isivande sokulima ngokuthelezela ukuze baziphilisi lemuli zabo.

"Silabomama abangu 34 sizoba labobaba abangu 7 lama youth esilayo engadeni, izilimo esizilimayo singaphansi kohlelo lweGreen Enterprise olukhokhelwa yiHand in Hand silima imbhambhayila , siletamatisi, silebutter nut, sile onion sile green vegie yikho esikulimayo sitshintshanisa ngezikhathi."

UMnu Ezra Ngwenya olilunga lePhakamani Garden uthi impilo zabo ziguqukile ngemva kokusungulwa kwalesisivande.

"Izolo bekungafani lamuhla ikakhulu kufinance sesingathi sokusiba lobubelo amafees sesenelisa ukuthi sibhadala ngenxa yengadi leyi."

Inengi labatsha kuleli seliphila ngokuthengisa kanye lemisebenzi yezandla kungenani lokuthi liyabe liphumelela ezifundweni .

please wait

No media source currently available

0:00 0:04:20 0:00


Facebook Forum

XS
SM
MD
LG