Ukhanya ugxila impande umkhankaso oqhutshwa zinhlanganiso ezizimeleyo enkundleni zokuxhumana owokukhuthaza uzulu ukuthi abhalisele ukuvota ngobunengi kukhetho luka2023.
Umkhankaso lo uqhutshwa zinhlanganiso ezitshiyeneyo ezifana leyeElection Resource Center (ERC) leUniZim Trust.
Inhlanganiso lezi zilenhlelo zokuthwala abantu ngaphandle kwembhadalo ukuze bayebhalisa emahofisini eZimbabwe Electoral Commission (ZEC).
Uhlelo lokubhalisa abantu lolu luqale kunsukwana ezedluleyo.
Amabandla ezombusazwe lawo athi alezawo inhlelo zokuhuga abantu ukuthi bayebhalisa, ikakhulu labo abazavota okwakuqala.
Ibandla leZanu PF lona lithi lijonge ukubhalisa abasekeli bayo abayizigidi ezinhlanu, 5 million.
Isiphathamandla senhlanganiso yeIbhetshu likaZulu uMnu Mbuso Fuzwayo utshele iStudio 7 ukuthi bakhanya belomdlandla wokubhalisa abanengi.