amalinks wokungena

Breaking News

Unkosikazi Grace Mugabe Uhlawuliswa Inkomo Lembuzi Ngokungcwaba Umkakhe Engalandeli Isiko LakoZvimba


Unkosikazi Grace Mugabe ephambi kwesidumbu sikamuyi uRobert Mugabe.
Unkosikazi Grace Mugabe ephambi kwesidumbu sikamuyi uRobert Mugabe.

Unkosikazi Grace Mugabe usehlawuliswe inkomo ezinhlanu lembuzi eyodwa yinduna uZvimba ngoba esetheswa icala lokungangcwabanga umkakhe, uRobert Mugabe, ngesiko lakibo.

Isikhulumeli semuli yako Mugabe, uMnu. Jealousy Mawarire, eloba enkundelni ye Twitter, uthi le kukhanya kuyimizamo kaMongameli Emmerson Mnangagwa yokubamba ngamandla uNkosikazi Mugabe ukuthi agebhe isidumbu somkakhe kwa Kutama emangweni we Zvimba ayobekwa emathuneni e Heroes’ Acre eHarare.

UMawarire uthi amapholisa enkamba ye Borrowdale eHarare ehamba lawenduna uZvimba afike emuzini wakhe othiwa yi Bloof Roof eHarare bezopha uGrace Mugabe amasamanisi.

Kubikwa bekulesisebenzi sehofisi kaMongameli, uMnu. Jeremiah Moyo. Kuncwadi elotshwe ngolimi lwesiShona esezandleni ze Studio Seven, induna uZvimba uthe impahla zikamuyi zonke kumele zibuthelwe emuzini wakhe.

Incwadi le ithi uGrace Mugabe kumele ayethoniswa ngeviki ezayo ngoLwesine engekela ukuya khonale udaba lolu luzathoniswa engekho njalo umamangala, uMnu. Tinos Manongavere uyabe eyaphiwa imvumo yokuthi isidumbu sika Mugabe sigejwe.

XS
SM
MD
LG