Ihlandla lakuqala laloluhelo lasungulwa ngomnyaka ka 2018 lujonge ukuvuselela umnotho welizwe ukuze kusiyafika umnyaka ka 2030 ilizwe libe lezisbenzi ezihola imali ephakathi laphakthi, imiddle income ngesilungu.
Ihlandla lesibili liphawulwe nguMongameli Emmerson Mnangagwa ngo Zibandlela kuwonalo umnyaka.
Ocubungula ezombusazwe, uMnu. Greater Vodloza Sibanda uthi nxa ulukhangele loluhlelo lungathi lulomsobho kodwa inkinga izakuba ekulufezeni.
Lokhu kugcizelelwe yingcwethi ecubungula ezomnotho, uMnu. Rejoice Ngwenya yena othi inkohlakalo yiyo ezakwenza kubenzima ukufeza loluhlelo.
Isiphathamandla senhlanganiso yezisebenzi, eye ZCTU, uMnu. Ambrose Sibindi uthi uhulumende uhlezi etatazela ezam ukuvuselela umnotho kodwa esehluleka.
Manje kwenziweni? Lo ngumbuzo esiwuqondise kuMnu. Sibindi:
Uhulumende uthi ihlandla lohlelo lolu lizaphela ngomnyaka ka 2025 njalo ukuphumelela kwehlandla lokucina kuzakubakhona ngokulungisisa amaphutha azakuba enzakale kuhlandla esikulu kathesi.
