amalinks wokungena

Breaking News

Kudluliselwa Phambili Ukuthonisiswa Kukanobhala weIbhetshu Likazulu


UMnu. Mbuso Fuzwayo, umqondisi wenhlanganiso yeIbhetshu Likazulu,
UMnu. Mbuso Fuzwayo, umqondisi wenhlanganiso yeIbhetshu Likazulu,

Ukuthoniswa kwecala lomqondisi wenhlanganiso ebona ngezamalungelo abantu eye Ibhetshu Likazulu, umnumzana Mbuso Fuzwayo obekumele lingene ngoLwesibili emthethwandaba kaMantshi, koBulawayo, lidluliselwe phambili.

Amagqwetha kaFuzwayo athi leli licala ngelokubazelwa ngenjongo yokumvimba ukuthi abe elokhu ekhuluma ngenhlupho ezibhekane labantu bemhlubulweni weMandebeleni.

Umnunzana Nqobani Sithole igqwetha likaFuzwayo uthi baphiwe amaphepha abe chasisa ukuba icala lizaqhubeka mhlaka 6 Ntulikazi 2021.

"Bekumele angene enkantolo ngecala lokuthi watshaya amacouncilors ngo2019. Singenile enkantolo basinika amanye amaphepha savumelana ukuthi mhlaka 6 July kumele indaba le iqalise. Kodwa okumqoka yikuthi ubaba UFuzwayo uthi yena njengoba kuthiwa watshaya ama councilors yena into abona angathi uyayibotshelwa yikuthi uthi laba ababulala abantu labo abangene enkantolo, lokhu okokutshaya ama councilor yikuzama ukuthi bamthulise engakhulumi ngento zeGukurahundi.”

Umnunzana Busani Ncube obeyesekela umnunzana Fuzwayo uthi akula cala elikhona kudingwa indlela zokumvala umlomo.

"Lapha okukhona yikuthi UFuzwayo siyambona ukuthi kulezi insuku ukhuluma ngokuthi abantu abafa ngeGukurahundi, so esikubonayo yikuthi yikho abafuna ukuvalela khona ukuthi angakwanisi ukuthi akhulume ngeGukurahundi engahambi efaka amatshe emangcwabeni abantu abafa ngeGukurahundi akula cala lapha lokuthi watshaya abantu.”

Amagqwetha akaFuzwayo athi okwenza abomthetho bavuse icala lomnyaka ka2019 yikuba kuzanywa ukumvimba ukuba engabi lokhu ekhuluma ngendaba eziphathelane lombuqazwe weGukurahundi lapho okwabulawa khona inkulungwane lenkulungwane zabantu libutho likahulumende eleFifth Brigade, ilizwe lisanda kuthola uzibuse.

XS
SM
MD
LG