amalinks wokungena

Breaking News

Ababili Abakhululwa Ejele Bathi Bazakuya Kubandla leMDC Alliance


UMnu. Last Maengahama lemuli yakhe.

Omunye wababili abasanda ukukhululwa entolongweni uMnu. Tungamirai Madzokere uthi uzaqhubeka esekela ibandla leMDC Alliance ngoba yilo elingakhulula ilizwe.

UMnu. Madzokere, owabotshwa engukhansila weGlenview ekubandla leMDC lingakehlukani, uthi wayetshela ezinye izibotshwa ukuthi zisekele lelibandla.

Lokhu kwenzakale izolo ngesikhathi uMnu. Nelson Chamisa evakatshele uMnu. Madzokore lomunye owayebotshwe laye uMnu. Last Maengahama, yena esingenelisanga ukukhuluma laye sizwe ukuthi usekela liphi ibandla.

Bobabili babotshwa ibandla leMDC lingakehlukani. uMnu. Madzokore engukhansila uMnu. Maengahama elilunga lekhomithi yeNational Executive.

UMnu. Douglas Mwonzora, uthi nguye osekhokhela elinye lamacele amabandla la, elilokhe libizwa ngokuthi yiMDC-T.

Ababili laba bavalelwa entolongweni okweminyaka eyisitshiyagalombili kodwa umthethwandaba we supreme court ngeviki edluleyo ubathole bengelacala lokubulala ipholisa.

Bathi balakho ukumangalela uhulumende ngaloludaba, bedinge inhlawulo.

Ixuku labantu libuye ukuzombona phandle kwalindlu, njalo uMnu. Chamisa loMnu. Madzokere babonakala bekhuluma kulumbathano.

UMnu. Nkululeko Sibanda, isikhulumeli sikaMnu. Chamisa, uchasisela uSithandekile Mhlanga okunengi okwanzakeleyo.

please wait

No media source currently available

0:00 0:02:48 0:00


Facebook Forum

XS
SM
MD
LG