amalinks wokungena

Breaking News

Uhulumende Wamukela Ijekiseni Yakwele Russia eyeSputnik V


Amajekiseni awe COVID-19.

Uhulumende wamukele amajekiseni awokuvikela igcikwane leCoronavirus azinkulungane ezingamatshumi amabili lanhlanu, 25 thousand izolo ntambama, awohlobo lwe Sputnik V avela kwele Russia, kutsho umsakazo we ZBC.

Umsekeli kamphathintambo wogatsha lwezempilakahle uDokotela John Mangwiro ubonakale kulumsakazo elosomabhizimusi weRussia uMnu. Vladimir Marchenko egcekeni lendizamtshina yeRobert Gabriel Mugabe International Airport eHarare, besamukela lesi isipho.

Lokhu kwenzakala ngesikhathi inengi lisithi amajekiseni la ayasilela elizweni kodwa uhulumende esithi akhona njalo uzawaba kutshe, adinge lamanye awokwengezelela.

Isiphathamandla senhlanganiso yeChristian Alliance uMnu. Useni Sibanda utshele uSithandekile Mhlanga weStudio 7 ukuthi inhlanganiso yakhe iqoqa uhlelo logatsha lwezempilakahle olokuthi ikhuthaze abantu ukuthi bayekwamukela lumjovo wama vaccines ngakho kufane uhulumende azidingele inani elithe xaxa.

Kusenjalo umbiko owethulwe lugatsha lukahulumende olubona ngezempilakahle izolo luthi abantu abalikhulu letshumi lanye, 111, sebehlaselwe ligcikwane leCoronavirus, elibulele abahlanu. Ugatsha lolu luthi inani labathola leligcikwane lilokhe likhuphuka kusukela kumalanga ayisikhombisa edluleyo.

Sebefika phose inkulungwane ezingamatshumi amane 36 917 asebehlaselwe yileligcikwane selokhe laqhamukayo ngomnyaka odluleyo, labulala abedlula inkulungwane elamakhulu ayisithupha-1, 622.

Asebehlatshwe ijekiseni yokuvikela leligcikwane sebefika inkulungwane phose ezingamakhulu ayisikhombisa; 689, 920.

please wait

No media source currently available

0:00 0:02:48 0:00


Facebook Forum

XS
SM
MD
LG