amalinks wokungena

Breaking News

Osamabhizimusi bakoBulawayo Bathi Amapholisa Atshiyane Lomkhuba Wokusebenzisa Imota Ezisilelayo Ukuxotshana Lamakhombi


Zimbabwe police

Osomabhizimusi bakoBulawayo bathi amapholisa akulelidolobho kumele atshiyane lokutshona egijimisana labatshayeli bemitshova ukuze asebenzise izimota ezinlutshwana alazo ukuthungatha izigebengu esezitshona zibamba inkunzi zihlome ngemibhobho.

Lokhu kulandelaudlakela olwenzakale ngoLwesithathu enzikini yedolobho lapho okutshiswe khona amakombi amabili njalo kwabulawa amafasitela emote yamapholisa.

Udlakela lolu luqale ngamapholisa egijimisa imitshoba emibili le esithi isebenza ngaphandle komthetho ngoba engabhalisanga phansi kwenkampani kahulumende eyeZupco.

Abanye ababone isehlakalo lesi bathi amapholisa la asuke ajikela i-teargas phakathi kwamakhombi lawa aselumatha umlilo.

Kodwa amapholisa wona athi amakombi la atshiswe yizikliwi ezigoqela amatshintsha imali abaziwa ngokuthi ngosiphatheleni, owindi kanye labathengisayo.

Amapholisa athi lanxa elezimota ezilitshumi lanhlanu ezikhangelane ledololobho lonke, ezisebenza kuhle ziyisithupha kuphela.

Ngokunjalo, usomabhizimusi wakoBulawayo uMnu Abednico Bhebhe uthi amapholisa kumele asebenzise izimota lezi ukulwisana lezigebengu esezihluphile kulelidolobho.

please wait

No media source currently available

0:00 0:03:25 0:00


Facebook Forum

XS
SM
MD
LG