Osomabhizimusi bakoBulawayo bathi amapholisa akulelidolobho kumele atshiyane lokutshona egijimisana labatshayeli bemitshova ukuze asebenzise izimota ezinlutshwana alazo ukuthungatha izigebengu esezitshona zibamba inkunzi zihlome ngemibhobho.
Ugatsha lukahulumende olubona ngezempilakahle luthi abantu abangamatshumi ayisithupha lane sebehlaselwe ligcikwane leCoronavirus, labulala abane.
Lokhu sokukhuphule inani labantu asebathola leligcikwane selokhe laqhamukayo ngomnyaka odluleyo laya kunkulungwane phose ezingamatshumi amane, 39 496 kwatshona abedlula inkulungwane lamakhulu ayisithupha; 1,626.
Asebemukela umjovo wokwenqabela leligcikwane sebefika phose inkulungwane ezingamakhulu ayisikhombisa; 690 452.
Kusenjalo, uMfundisi Anglistone Sibanda, othi wake wagula umkhuhlane weCOVID 19 wasila, utshele uSithandekile Mhlanga weStudio 7 ukuthi bayaxwayisa abantu njengezinkonzo ukuthi bemukele umjovo weCOVID 19 njalo balandele iziqondiso zokuzivikela kuCOVID 19.
