amalinks wokungena

Breaking News

Ele Zambia Lizazila Okwamaviki Amathathu Kulandela Ukubhubha KukaMnu. Kenneth Kaunda Owayengumongameli Welizwe


UMnu Kenneth Kaunda

UMongameli weZambia uMnu Edgar Lungu uthi ilizwe lakhe lizaba phakathi kokukhala okwamaviki amathathu kulandela ukubhubha kowake waba nguMongameli walo uMnu Kenneth Kaunda.

UKaunda ubhubhele esibhedlela izolo lapho abeselatshwa khona umkhuhlane wepneumonia. Ubesebelinyaka yokuzalwa efika phose ikhulu, 97.

Iphephandaba lakweleZambia eleLusaka Times libika ukuba uLungu wazise ukuthi phakathi kwamaviki amathathu la, ama-flag azakwehliswa njalo imidlalo yonke yokuzilibazisa izamiswa.

UKaunda wadlala indima ebanzi kumzabalazo wokukhulula ilizwe lakhe, wazoba nguMongameli walo wakuqala selithole uzibuse.

Wancedisa njalo amazwe amanengi aseAfrica afana leZimbabwe leSouth Africa ukulwela inkululeko yawo.

Sixoxe lolwela amalungelo oluntu uMnu Mthulisi Hanana.

please wait

No media source currently available

0:00 0:02:40 0:00


Facebook Forum

XS
SM
MD
LG