amalinks wokungena

Breaking News

Azasinda Na Amabhizimusi Amancane Kulandela Ukuvalwa Kwelizwe Njalo?


Isinkwa sesithemngwa ngabalutshwana.

Abamabhizimusi amancane abasinda ukuvalwa kwelizwe phansi kwemigoqo yokwenqabela ukumemetheka kwegcikwane le coronavirus bathi okwehlandla lakathesi akuthembisi ukuthi bazasala belokhu bemi ngenyawo.

Kwamanye amazwe uhulumende uyaphathisa abenza ezamabhizimusi ngemali.

Uhulumende we Zimbabwe yena uke waphathisa kodwa abayitholayo bathi yayinlutshwana kakhulu.

Isiphathamandla senhlanganiso elwela ilungelo labaphila ngokuthengisa ezitaladeni, eye Bulawayo Vendors and Traders’ Association, uNkosazana Debra Mukasa uthi amabhizimusi abo athwelenzima.

Lokhu kusekelwe ngusomabhizimusi wako Bulawayo, uMnu. Edwin Ndlovu othi uhulumende uhlala ongokhuluma ngokuphathisa abamabhizimusi kodwa engakwenzi lokhu.

Ingcwethi ecubunugla ezomnotho welizwe, uMnu. Rejoice Ngwenya uthi uhulumende wayefake isikhwama semali yokuphathisa abamabhizimusi kodwa akwaziwa ukuthi limali yaya ngaphi.

Ilizwe lithole izulu eleneleyo kodwa lokhu kukhanya kungasoze kuncede ngenxa yobhubhabe lwe covid 19. Ke sizwe imbono ka Ngwenya ngaloludaba.

Ekupheleni kwehlandla lakuqala lokuvalwa kwelizwe amanye amabhizimusi amancane, abalisa lezinye izitolo, zihle zatshabalala.

please wait

No media source currently available

0:00 0:05:16 0:00


Facebook Forum

XS
SM
MD
LG