amalinks wokungena

Breaking News

Akula Curfew koBulawayo; Umekeli kaMphathintambo wezeMpilakahle Wethula Umbiko Ophikisa Owamapholisa


Umsekeli kaphathintambo wwezempilakahle John Mangwiro
Umsekeli kaphathintambo wwezempilakahle John Mangwiro

Umsekeli kamphathintambo wezempilakahle, uMnu. John Mangwiro uselandule imbiko yokuthi ezinyhe izindawo zakoBulawayo zifakelwe imigoqo yokuvimba ukumemetheka kwegcikwane lecoronavirus, ilockdown.

Isikhulumeli samapholisa koBulawayo uInspector Abednicho Ncube wazise ngoLwesibili ukuthi idolobho lakoBulawayo seliphansi kwemigoqo emitsha egoqela curfew ebophela abantu ukuthi bengahamba hambi kusukela ngehola lesithupha ntamba kuze kube lihola lesithupha ekuseni.

UMangwiro uthe uMongameli Emmerson Mnangagwa nguye yedwa olelungelo lokumemezela imigoqo ebalisa ukuvalwa kwelizwe. Imbiko kaMangwiro isibangele ukuxokozela abantu bengasazi okuliqiniso.

Asiko kwakuqala ukuthi uhulumende ethule imbono ephikisanayo kudaba lwe coronavirus.

UMongameli Emmerson Mnangagwa uke wethula amazwi okuthi imbuthano isizavunyelwa kodwa okudlulanga amalanga ambalwa umsekeli wakhe uMnu. Constantino Chiwenga wethula umbiko ophikisayo.

Sixoxe lesiphathamandla senhlanganiso elwela ilungelo lezakhamizi, eye Bulawayo Progressive Residents’ Association, uMnu. Thembelani Dube ukuze sizwe ukuthi zithini izakhamizi zako Bulawayo.

please wait

No media source currently available

0:00 0:02:33 0:00

Inani lababanjwa igcikwane le coronavirus lababulawa. Ngumkhuhlane wecovid 19 liqhubeka liqansa ngesiqubu esethusayo.

Ugatsha lwezempilakahle luthi kumanani ethulwe izolo kulabantu abalitshumi lambili, 12, ababulewe yicovid 19, abane bengabenkabazwe kuthi abathathu bengabako Bulawayo lezinye indawo zelizwe.

Kubanjwe abafika phose inkulungwane eyodwa, 911 igcikwane le coronavirus.

Inani labahlatshwe ijekiseni ye covid 19 likhuphukile layafika kwabedlula inkulungwane ezilitshumi 11 901 abahlatshwe eyakuqala kuthi abazinkulungwane ezilishumi lasithupha, 16 701 bahlatshwa eyesibili.

XS
SM
MD
LG