amalinks wokungena

Breaking News

Idolobho lakoBulawayo Alifakelwanga Migoqo yeLockdown Kodwa Inani Lababanjwa Igcikwane Lokhu Liqansa


Dr John Mangwiro

Kulandela umbiko wokuthi idolobho lako Bulawayo alifekelwanga migoqo ye lockdown uzulu walelidolobho ubikwa esephila njengensukwini kungakhathalekile lokuthi inani lababanjwa icoronavirus liya liqansa.

Umsekeli kamphathintambo wezempilakahle, uMnu. John Mangwiro wazise ngoMgqibelo ukuthi idolobho lako Bulawayo aletheswanga imigoqo emitsha njengalokho okwakukhulunywe yisikhulumeli samapholisa ko Bulawayo ngeviki edluleyo, uInspector Abednicho Ncube ngeviki edluleyo.

UNcube wayethe indawo ezaziqanjiwe abantu babengasavunyelwa ukuhamba hamba phakathi kwamahola aphakathi kuka six ntambama kusiyatshaya usix ekuseni.

Amabhizimusi abesevunyelwa ukuvulwa ekuseni nge hola lika eight ekuseni evalwa ngehola lika three ntambama.

Sixoxe lesikhulumeli senhlanganiso ephathisa uzulu ngokulwisana lokumemetheka kwegcikwane le coronavirus, eye Christian Alliance, uMfundisi Useni Sibanda.

please wait

No media source currently available

0:00 0:02:25 0:00


Kunjalo nje, uhulumende uthi kulomuthi wamajekiseni eCovid 19 awohlobo lwe Sinopharm evela kwele China ngoMgqibelo.

Akukhulunywanga ukuthi manengi okunganani.

Kodwa umphathintambo wezemali, uMnu. Mthuli Ncube uthi ilizwe lilesikhwama sokiuthenga imithi le eseneleyo.

Facebook Forum

XS
SM
MD
LG