amalinks wokungena

Breaking News

Zikhala Ngamasela Enkomo Abotshwa Akhululwe Izakhamuzi zeShape eGwanda.


Income

Izakhamizi zeShape kuWard 10 eGwanda North zikhathazekile ngamasela enkomo athi angatshontsha engabotshwa osekudale ukuthi izakhamizi zilahlekelwe yizifuyo zazo ezinengi.

Izakhamizi esixoxe lazo zikhala ngokuthi lawamasela engaze abotshwe ngemva kwensukwana ezingatsho lutho ayabe sekhululwe aqale njalo umkhuba wawo wokutshontsha.

UMnu Nkosikhona Dube oyisakhamuzi seShape uthi walahlekelwa yinkomo yakhe wayibona ngesigogo isihlinziwe.

“Ngatshontshelwa ithokazi lenkomo ngalidinga amalanga amathathu ngelanga lesine ngathola amasondo enkomo lenyama efresh okokuthi ithokazi leli lalibulawe njengayizolo khonapho phakathi amasimini igcwele ezihlahleni inyama lezimbiza okutshengisa ukuthi yikho lapho okubulalelwa khona inkomo, izifuyo zethu ziyaphela sileminyaka ethize ziphela ngabo.”

Esinye njalo isakhamuzi UMnu Zacheaus Masuku uthi wacatshelwa zinkomo ezilitshumi.

“Ngike ngacatshelwa zinkomo ezilitshumi ngalandela zahamba tshose angazi ukuthi uhulumende angasincedisa ngani ukuze sivikeleke kulobubusela obukhona njengoba bebotshwa bephuma bevele asisakwazi ukuthi indaba zethu sizitshele bani sibikele bani ukuze asincedise.”

UMnu Elayi Sibindi umngcinisihlalo weTuli Farmers Association uthi abalimi basenkingeni enkulu kakhulu ngalezi zigalamkhuba.

“Kutshontshwa kusukela enkukhwini, idonki, imbuzi, inkomo akulanto engatshontshwayo siphakathi kobunzima siyafisa ukuthi ngabe siyaluthola usizo kube lomthetho oqinayo ukuze nxa umuntu ebanjiweyo ajeziseswe ngokusemthethweni.”

Amazwi la agcizelelwe ngukhansila kaWard 10 eShape UMnu Amon Clinic Nyathi laye osanda kutshontshelwa.

“Ngikhuluma nje lapha abafana laba loleader wabo uSigwindira uValentine umfana lo wabuya lapha watshontsha inkomo ezimbili edamu wayazithengisa eNdabankulu simbambile , uleqembu lakhe asebenza labo abafana bemapulazini igenge yaboKhaliphani so ngikhuluma nje indaba yakhona isemapholiseni so angazi ukuthi mhla kuqala amaCourt ngizabathola bekhona kumbe hatshi.”

Isikhulumeli samapholisa eZansi yemaNdebeleni, uInspector Loveness Mangena uthi umsebenzi wamapholisa yikubopha izephulamthetho njalo okwenzakala emthenthwandaba kungaphezulu kwamandla abo.

UMangena uthi kuyenzakala ukuthi izibotshwa zibhadale imali yesibambiso emthethwandaba ukuze zithoniswe zivela emakhaya besezisenza imisebenzi yazo yobusela okudala ukuthi izakhamizi zicabangele ukuthi amapholisa kasebenzi.

Ukhuthaze abafuyi ukuthi babikele amapholisa ngokuphangisa lapho inkomo zabo zicatsha njalo bazifake lemitshiso.

Kusenjalo obephethe isihlalo somqondisi wogatsha lwezemfundo eZansi yemaNdebeleni UMnu Lifias Masukume kasekho ngemva kokuhlaselwa ngumkhuhlane we Covid 19.

UMasukume ubhubhele esibhedlela seUBH koBulawayo izolo ekuseni.

Inani lababulawa ngumkhuhlane weCovid 19 kulesiüabelo liya liqonga ngesiqubu selokhu kuqale linyanga.

Sixoxe lomunye olaliswe esibhedlela sababanjwe igcikwane le coronavirus, ese isolation ePhakama eGwanda othi isimo sibi.

“Mina ngingene lapha ngoMvulo izidumbu eseziphumile lapha 11 khonapha Hansi kwami ngizikhangele nsukuzonke abanye umuntu wakhona ungena ahle aphume abantu kumele bahloniphe izixwayiso zokuvikela lumkhuhlane engxenye kungadlula kodwa ukufa kuyafiwa nxa uphandle awuboni lutho.”

Sebedlula amatshumi amahlanu 54 asebebulewe yilumkhuhlane kulesisabelo selokhu kuqale linyanga.

please wait

No media source currently available

0:00 0:04:15 0:00


Facebook Forum

XS
SM
MD
LG