amalinks wokungena

Breaking News

ZCTU: Kulabanye Abaqatshi Asebebambela Izisebenzi Iholo Ngoba Zingahlatshwanga Ijekiseni yeCovid 19


UMnu. Japhet Moyo unobhala jikelele wenhlanganiso yezisebenzi eyeZCTU.

Inhlanganiso emela izisebenzi, iZCTU, ithi abaqhatshi kumele balandele isixwayiso sekhomishini yamalungelo oluntu, iZimbabwe Human Rights Commission, esokuthi amankampani kahulumende kanye lazimeleyo akumelanga baphoqe izisebenzi ukuthi zihlatshwe ijekiseni yeCovid-19 nxa zingafuni.

Likhomishini ithe ukwenza lokhu yikwephula amalungelo oluntu.

Kumbiko ewethule izolo, ikhomishini le ithe abaqhatshi kumele bahlonipho iziqondiso seWorld Health Organization ezikubeka sobala ukuthi abantu kumele bazikhethele ukuthi bayafuna na ukuhlatshwa kumbe kabafuni.

Yengeze yathi ikhathazekile kakhulu ngembiko yokuthi kulabanye abaqhatshi asebebambela izisebenzi ezingahlatshwanga iholo kanye labanye asebevimba izisebenzi lezi ukuya emsebenzini.

Lokhu kufakazwe ngunobhala jikelele weZCTU, uMnu Japhet Moyo.

please wait

No media source currently available

0:00 0:02:15 0:00



Igqwetha likaMongameli Emmerson Mnangagwa uMnu Tinomudaishe Chinyoka utshele iStudio 7 ukuthi uhulumende kabambi izisebenzi zakhe ngamandla ukuthi zihlatshwe.

Kodwa uthe uyenelisa ukukwenza lokho kungaba lesidingo ukuze kwenqatshelwe ukubulawa kwabantu yi-coronavirus.

Facebook Forum

XS
SM
MD
LG