Uzulu wakoBulawayo uthi usehlalela evalweni ngenxa yobugebengu obubangele ukufa kwepholisa kanye lezigebengu ezintathu ezidutshulwe ngamapholisa eFourwinds ngeviki edluleyo ngesikhathi zizama ukutshontsha.
Ipholisa leli lidutshulwe yizigebengu ebezizama ukubamba usiphatheleni elokitshini leLuveve ngoMvulo.
Inkundla yeCite ithi esinye salezizigebengu sidutshulwe ngamapholisa safela enzikini yedolobho, eUnity Village.
Inkundla le ibika njalo ukuthi kulamapholisa amabili amiswe enkantolo izolo esetheswa amacala okubamba inkunzi ehlomile.
Amapholisa la nguBongani Mpofu loDalubuhle Ndlovu bona ababotshelwe eBeitbridge bezama ukubaleka elizweni.
Amapholisa athi izigebengu ezihlasele eLuvele laseFourwinds zivele kweleSouth Africa.
Sixoxe lesiphathamandla senhlanganiso yeBulawayo Progressive Residents Association uMnu Thembelani Dube.
