Osomabhizimusi bakoBulawayo bakhala ngokuthi sebehlalela evalweni ngenxa yezehlakalo zokubanjwa inkunzi yizigebengu ezihlome ngemibhobho esezibhahile kuleli dolobho ngalezi nsuku.
Ngeviki ephelileyo amapholisa adubule abulala amasela amathathu ngemva kokucathamela amasela la ezama ukutshontshela omunye usomabhizinisi okumsebenzi wokwemba ilitshe eliligugu legolide.
Maviki wonke sokuyinjayelo ukuzwa imbiko yokubanjwa inkunzi kwabantu ngabahlomileyo ngemibhobho bethathelwa imali le mpahla ebiza imali enengi, ngamasela agqekezayo.
Ngolwesibili ntambama amasela ahlome ngezikhali ezitshiyeneyo angenele inkampani eyeAdams Milling Company atshaya kabuhlungu umantshingelani bathatha imali badla phansi. UMrs Adams ngumnikazi walinkampani.
"Sifonelwe ngamapholisa ngabo 3 emadabukakusa, kuyikuthi um'next door ubesebonile ukuthi u guard wethu ubotshelwe. Wagijima wayabiza amapholisa e-Westcom babuya athola u-guard ebotshelwe sebethethe isisefa semali bathatha lemali efrijini bathatha le Tv. Isisefa lesiyana sikhulu si-Weigher more than, l think a tone but kuthwa sifakwe ku honda fit. Esisefeni lapha bekule 19 thousand something US dollars," outshot uAdams.
Umnunzana Xolani Dube wevinkili elithengisa ukudla okuphekiweyo, ele Slice Pitzeria uthi okwenzakalayo kazake akubone koBulawayo yena ke sehlalela evalweni.
"Osoma-business bonke bathwele nzima kunje kunjena uyabe ungasakwazi ukuthi elakho ilanga yiliphi abakucabangela lona.Njalo khathesi siphakathi komkhuhlane wonalowo i-covid 19 akula business ehamba kuhle.Uyabe usebenza gadala uzama ukuthi kuhambe,omunye umuntu afike ahluthune konke osukusebenzele impilo yakho yonke.And into yakhona ingani iyaqhubeka kodwa khathesi izinto zime manzonzo," kutsho uDube.
Kunyanga ezintathu ezidlulileyo izigebenga ezihlomileyo zibambinkunzi zathathela imali enengi inkampani yokuthumeza imali eyeMukuru. Unkosazana Patience Mpofu usebenzela eyinye inkampani yokuthumeza lokutshintsha imali.
"Into leyi eyama armed robbers isisesabisa kakhulu ngoba mina nginje ngisebenzela i-money remittance so we feel ukuthi asisekho safe.Anytime sesisesaba ukuthi njengoba ogun man laba bengena anytime bengasibamba lathi.So sicela ukuthi amapholisa angene kufull-force sibili asidingele lawa ma-armed robber sibili.Babanjwe bafakwe ejele lathi sibe safe emphakathini," kutsho uMpofu.
Abanye osomabhizimisi sebelala okomvundla ngokwesaba ukubanjwa inkunzi. UMnu Blessing Vaiton ulenkampani yokuthengisa ama fridge uthi usevalweni laye ngokwesaba izigelekeqe esezigcwele koBulawayo.
"Sokusesabisa lokuhamba yazi lokuthi vele imali uyigcine,ngoba mina ngicabangela ukuthi abantu laba bangabe bevela kubo South Africa. Ngoba into besingelayo, abantu laba silabo ezindlini sihlala labo siphila labo khonalapha sihamba. Abanye bakhona sidla labo izimali zakhona zenalezi, ngoba uyaswela ukuthi umuntu ulemali ulemota ezinhle ukuthi imali uzithatha ngaphi," kutsho uVaiton.
Isikhulumeli samaPholisa koBulawayo u Inspector Abednicho Ncube ugcizelela amazwi kaVaiton.
"Ama armed robbers lawa ngabantu abahlala phakathi kwabantu, aba-local abayaziwayo abantwabethu abafowethu. So sibong'kuthi ngokusebenzelana lozulu abanengi bakhona babanjiwe. Ama cases amanengi, more than 27cases akliyiwe kodwa sigqugquzela ukuzulu kakhulu ukuthi asi ripoteni abantu. Umuntu nxa engumakhelwane wakho uyabe ukwazi ukuthi uhlala njani, kasebenzi kodwa uhlala ebuya lama fridge endlini. Etshintsha zimali,etshintsha izimota etshintsha abangane. Tshelani amapholisa zonke lezo zinto sibabuze ulakho ukuthi usitshele futhi ungakhulumi ukuthi ungubani. Ufihle ibizo lakho ukuthi unga reporter umakhelwane usungaphila nzima. So yikho okuthwa yikuncwebana indlebe," kutshoi uNcube.
UInspector Ncube uyaphambili ekhuza izigebenga ezibambinkunzi ukuthi zizabakhalela insimbi kumbe uhlamvu luyakhala ekhanda.
"Kodwa thina njenga mapholisa we are saying "we are hot on the heals of ama armed robbers". Even laba abafisa ukuthi bathathe ama chance bangene kuma armed robberies they should be warned its not a good business lizabanjwa. You won't survive as you have witnessed ukuthi koBulawayo loba ungayenza i-robbery njani its a matter of time, the law will catch up with you," outshot Ncube.
Kumaviki asanda kwedlula amasela agqekeze kwesinye isitolo esithengisa utshwala eAscot adubula owesifazana obesebenza lapho wafa. Abamba njalo imota ebithwele imali yezitolo zakoChoppies eParklands athatha amatrunk email ayisikhombisi, babuya bathatha imali kunkampani ethumela imali yeMukuru. Aphinde athathela imali njalo abamabhizinisi amancane abanengi kunye lokungenela izakhamizi bezitshontsha impahla.
Amapholisa axwayisa uzulu ukuba aqaphele azilondoloze alimuke izigelekeqe lezi.
