WASHINGTON DC —
Ngesikhathi kulungiselelwa ukhetho lomnyaka ka2023, izakhamizi zeNkayi leLupane ezingamalunga amatsha ebandla leMthwakazi Republic Party zithi seziqalisile ukukhankasela lelibandla kulezi izigaba.
Lokhu kuvezwe ngumgcinisihlalo walelibandla eMatabeleland North, uMnu. Thembisani Mfulongashi Mpofu, yena othi basanda ukwakha ingatsha zeMRP kulezi indawo ngemva kokumenywa yizakhamizi.
Ezinye zalezi indawo zibalisa i Lake Alice, Singeni, Dlawa, Mphakama, Lutsha, Sambo, Lukampa, Nesigwe, Gwamayaya, leMdengelele.
UMnu. Mpofu uthi sebelubhekise eTsholotsho, eLupane, leBinga ukuyaqhuba uhlelo olufanayo.
Okunengi ngaloludaba, asikuzweni kungxoxo uSithandekile Mhlanga weStudio 7 ayiqhube loMnu. Mpofu.