Izulu usesole inhlawulo yemali engamadola azinkulungane ezimbili, $2 000, eyabazatholakala begade imota ezingekho phansi kwenkampani ye Zupco.
Lokhu kuphume kugwalondaba lukahulumende olwethulwe ngumphathintambo wezemithetho, uMnu. Ziyambi Ziyambi olutshengisa ukuba ama findi amacala wonke emthethwandaba asekhuphuliwe esuka kumadola angamakhulu amahlanu, $500, esiyafika kungexenye yesigidi samadola, $500 000.
Uhulumende wafaka umthetho wokuthi amakombi lamabhasi angabhaliswanga phansi kwenkampani ye upco akusamelanga asebenze.
Ozatholakala ephakathi kwamakhombi la usezahlawuliswa ifindi yamadola azinkuungwane ezimbili, $2000.
Isiphathamandla senhlanganiso elwela ilungelo labathengi, eye Consumer Rights Center, uMnu. Effie Dlela Ncube utshele iStudio Seven ukuthi lelinyathelo liyancindezela abantu.
