amalinks wokungena

Breaking News

Ibandla leZanu PF Lithi Selakhe Izibhedlela, Izikolo Lamadamu Okuzenza Abantu Balivotele Okuphikiswa Libandla leMDC Alliance


Idamu le Gwayi Shangani Dam (Umfanekiso: Ezra Sibanda)

Umgcinisihlalo webandla elibusayo eleZANU PF eMatabeleland North uMnu. Richard Moyo uthi ibandla lakhe lithola usekelo olunengi kulesi isigaba kanye lelizweni lonke, ngenxa yenhlelo ezimqoka eziqhutshwa nguhulumende, njalo kusobala ukuthi lizanqoba njalo kukhetho oluzayo oluka 2023.

Kungxoxo ayiqhube leStudio 7, uMnu. Moyo, yena ongumphathintambo kahulumende eMatabeleland North, uResident Minister, uthi inhlelo lezi zibalisa ezokuthelezela, ukwakhiwa kwezibhedlela, amakilinika, izikolo, ledamu leGwayi-shangani, kanye lomgwaqo weBinga-Siyabhuwa lowe Kamativi-Binga, okukhangelelwe ukuletha inguquko ezigabeni zeMatabeleland.

Asizweni exoxa ngaloludaba loSithandekile Mhlanga weStudio 7, ngemva komhlangano awuqhube leziphathamandla zebandla leZANU PF izolo emini lapho okukhulunywe ngalezi inhlelo.

Omunye wakhe uMnu. Prince Dubeko Sibanda, ongumgcinisihlalo webandla leMDC Alliance eMatabeleland North uthi inhlelo okukhulunywa ngazo azibonakali ngokuphelileyo.

please wait

No media source currently available

0:00 0:04:15 0:00


Facebook Forum

XS
SM
MD
LG