Umkhokheli webandla leMDC Alliance, uMnu. Nelson Chamisa ngoMgqibelo uvakatshele eBhalagwe lapho okwaphoselwa khona abantu ababulawa ngesikhathi se Gukurahundi.
UChamisa lenkokheli yebandla lakhe, ebalisa umsekeli wakhe, uMnu. Welshman Ncube baqale baya emuzini kamuyi, owayelilunga lebandla, uNkosikazi Sithembile Molotshwa eMaphisa lapho kade kulesikhumbuzo sakhe basuka baya eBhalagwe andubana balubhekise ko Bulawayo lapho kade kulomcimbi wokunanza iminyaka engamatshumi amabili lambili.
Sixoxe lesikhulumeli sebandla leMDC Alliance esigabeni se Matabeleland South, uMnu. Ntando Ndlela ukuze sizwe okunengi ngaloludaba.
Kambe inyathelo lokuvakatshela iBhalagwe kunga kuliqhinga nje lokudinga usekelo phambilini kokhetho?
Ukuhlaziya loludaba sixoxoe lolwela ilungelo likazulu wesigaba seMandebeleni, uMnu. Mbuso Fuzwayo ongumkhokheli wenhalnganiso ye Ibhetshu lLkazulu.
Lokhu sikudaba olufanayo, ibandla leMDC-T lalo libe lomcimbi wokunanza iminyaka engamatshumi amabili lambili kwasungulwa ibandla leMDC eHarare izolo esigodlweni se Morgan Richard Tsvangirai House.
Sixoxe lesikhulumeli salelibandla, uMnu. Witness Dube ukuze sizwe okunengi ngaloludaba.