WASHINGTON DC —
Obengumeya wedolobho le Johannesburg, uMnu. Jolidee Matongo, obhubhe ngoMgqibelo, ubeqoqe umhlangano lezizalwane zamanye amazwe ezikwele South Africa ngoLwesithathu yonale iviki.
UMatongo, oloyise owayedabuka eZimbabwe, wakhethwa ukuba ngumeya ngenyanga edluleyo eselama uMnu. Geoff Makhobo owabulawa ngumkhuhlane we covid 19 ngenyanga ka Ntulikazi.
Ezinye izizalwane zakwele South Africa bezingamfuni uMatongo ngoba zisithi likwerekwere, igama elisetshenziswa ukuthuka abokuza, lanxa wayezalelwe eSoweto njalo unina engowe South Africa.
UMatongo ubhubhe engozini yemota evala khankasela ibandla lakhe ele ANC eSowetho ngoMgqibelo. Okunengi asikuzweni kuThuso Khumalo intathelizindaba yeStudio seven ese Johannesburg kwele South Africa.
