Inhlanganiso ezizimeleyo sezisole uhulumende ngokususa abantu endaweni abahlala kuzo ukwenzela ukuqhuba inhlelo zakhe njalo sezimkhuthaze ukuthi alandele umthetho womanyano wamazwe omhlaba owe United Nations kuloludaba, ngendlela yokwenqabela ukwephula amalungelo abantu.
Inhlanganiso lezi bezivela endaweni ezitshiyeneyo zelizwe ezibalisa iManicaland, Binga, Beitbridge, Hwange, Lupane, Mutoko, Mhondoro, Chipinge, leMasvingo.
UMnu. Khumbulani Maphosa, isiphathamandla senhlanganiso yeMatabeleland Institute for Human Rights, ebikulo umbuthano uthi bathumele umbiko ofanayo kunhlangniso ye Human Rights Commission, National Peace and Reconciliation Committee, leye Gender Commission of Zimbabwe ukwenzela ukuthi zingenele kuloludaba.
Asizweni echasisa okunengi ngaloludaba, kungxoxo ayiqhube loSithandekile Mhlanga weStudio 7.
