amalinks wokungena

Breaking News

Abemaphandleni Sebeqalile Ukulima Kodwa Bakhala Ngentengo Yenhlanyelo


Umumbu ongakhulanga kuhle.
Umumbu ongakhulanga kuhle.

Izakhamizi zemaphandleni esabelweni seZansi yemaNdebeleni seziqalile amalungiselelo okulima kodwa zikhala ngentengo yenhlanyelo ephezulu, okulakho ukudala ukuthi zingalimi njengalokhu ezikufisayo.

Izakhamizi esixoxe lazo zithi kulezinsuku ihloka likhala njalonje ehlathini lapho kubiywa emasimini kulungiselelwa ukulima ngoba izulu seliseduze.

Lanxa amalungiselelo sekubanga eliphezulu inengi lithi alilanhlanyelo eyeneleyo emakhaya kukanti ezitolo khona kayibambeki ngoba intengo isidla phezulu.

UMnu Zwelithini Gabula oyisakhamuzi seSitezi eGwanda North uthi inengi lezakhamizi emakhaya ngeke zenelisa ukuthenga inhlanyelo ezitolo.

UNkosikazi Siphathisiwe Mthombeni yena osuka eSilikwe eGwanda North laye ukhala ngentengoyenhlanyelo ephezulu.

UMnu Gabriel Luphondo oyisakhamuzi seMawane uthi bazasebenzisa inhlanyelo abayithole kusivuno sanyakenye.

UMnu Finish Ncube odabuka kuWard 7, koMalaba phansi kwenduna uMalaba, eMatobo laye uthi balinde inhlanyelo kaGatshompu ngoba ingekho ezitolo zasemakhaya.

Kune izulu ebelilomoya omkhulu eManama ngeSonto edluleyo ladala umonakalo omkhulu ngemva kokuba uphahla lwendlu yokubelethela esibhedlela seManama luthethwe ngumoya.

please wait

No media source currently available

0:00 0:03:20 0:00


XS
SM
MD
LG