amalinks wokungena

Breaking News

EleMelika Lisungula Umkhankaso Wokukhuthaza Amabhizimusi Akwele Zimbabwe Afuna Ukusebenzelana Lamabhizimusi Alo


Umongameli Emmerson Mnangagwa esedolobheni leNew York ngomnyaka ka 2019

Ngesikhathi isithunywa seUnited Nations siphakathi kohambo lokudingisisa ukuthi izijeziso ezetheswa amalunga eZanu PF yiMelika leBhilithani ziphazamisa njani uzulu makhaza, eleMelika selisungule umkhankaso wokukhuthaza amabhizimusi akweleZimbabwe afuna ukudlelana lamabhizimusi alo ukuthi aze phambili.

Isigodlo seMelika eHarare sethule umbiko enkundleni yeTwitter izolo sinxusa amabhizimusi eZimbabwe angaba efuna ukubambisana lamabhizimusi aseMelika ukusebenzela kuleli kugatsha lokwethekelwa kwelizwe lolokuphehla amandla kagetsi nge-solar ukuthi aziveze ngoba ekhona amathuba.

Okwenziwa yiMelika lokhu kuphikisana lokukhulunywa nguhulumende weZanu PF yena othi uyehluleka ukuvuselela umnotho ngenxa yezijeziso zeMelika, zona athi zivimba ukusebenzelana phakathi kwamankampani aseMelika laweZimbabwe.

Isithunywa seUnited Nations lesi uAlena Douhan unxuswe nguMongameli Emmerson Mnangagwa ukuthi azebona umonakalo athi udalwa yizijeziso lezi.

Kodwa eleMelika leleBhilithani aqina ngokuthi izijeziso lezi ziphazamisa amalunga eZanu PF kuphela lamankampani alobudlelwano lalelibandla etheswa icala lokwephula amalungelo kazulu.

Sixoxe losomabhizimusi uMnu Aleck Ndlovu sambuza ukuthi yena izijeziso lezi iphazamisa njani ibhizimusi lakhe.

please wait

No media source currently available

0:00 0:03:07 0:00


Facebook Forum

XS
SM
MD
LG