IZimbabwe Electoral Commission ithi okwenze yadlulisela phambili uhlelo lwayo lokubhoda ngelizwe ibhalisa abantu abazavota kukhetho oluzayo, olwe-mobile voter registration, yikuthi ifuna ukupha abantu abangelazithupha ithuba lokuthi bazithathe ukuze benelise ukubhalisa.
Uhlelo lolu belumele luqale mhlaka 6 ngenyanga ezayo kodwa iZEC ithi soluzaqala ngomnyaka ozayo ngenyanga kaNhlolanja.
Ikhomishini le yethule lumbiko ichasisa ngesizatho sayo izolo ngemva kokuchothozwa ngabanengi.
Yengeze yathi ngemva kokukhulumisana lenhlangothi ezitshiyeneyo, ibone kufanele ukuthi iludlulisele phambili loluhlelo ukuze abangelazithupha babe lethuba lokuyazidinga komsitheli labo benelise ukubhalisa.
Abamabandla aphikisayo labenhlanganiso ezizimeleyo bayakusola lokhu besithi kuzabangela ukuthi abantu abanengi behluleke ukubhalisa. Sixoxe lohlaziya ezombusazwe uMnu Effie Dlela Ncube.
