amalinks wokungena

Breaking News

Inhloko ZeNdaba Lwezi 29, 2021


Zikhala ezimathonsi izizalwane zeZimbabwe ezinengi ezihlala kweleBhilithani ebesezithenge ama tikiti endizamtshina ukuba ziyedlalela ikhefu lekhisimusi lezihlobo labangane ekhaya, ngemva kokuvinjwa kwendizamtshina ukuthwala izihambi ezivela ngezansi ye Africa ngamazwe angentshonalanga agoqela eleBhilithani, leMelika lamanye awe Europe. Lokhu okusolwa ngabanengi kwenzakala ngemva kokuqhamuka komhlobo omutsha oweCoronavirus owe Omicron kwele South Africa.

Abogatsha lwezempilakahle babika ukuba akulamuntu obulewe yiCovid 19 ngokutshona kwelanga layizolo kodwa abangamatshumi amane bahlolwe batholakala belegcikwane leli.

Inhlanganiso ephathisa abaswelayo ngokudla eyeWorld Food Programme ithi yamukele imali eyizigidi zamadola eMelika ezedlula ezinhlanu; 5, 7 million eyokuqhuba lumsebenzi emadolobheni lemaphandleni.

EleBotswana lithi inani labantu ababanjwe lohlobo olutsha lweCovid-19, seliqonge layafika kutshumi lasitshiyagalombili. Ukuqhamuka kohlobo olutsha olubizwa ngokuthi Omicron, sekubone amazwe angezansi kwezwekazi le Africa, kugoqela eleZimbabwe, efakwa ngaphansi koluhlu olubomvu, iBotswana isithi lokhu kuzaphazamisa inhlelo zokuhlaba ijekiseni yeCovid-19 ngoba indizamtshina sezimiswe ukuhamba.

Abohlangothi olubona ngemihloliso e Zimbabwe olweZimsec bathi abantwana abazaqala ukuloba imhloliso namhlanje sebelungele ukuloba njalo bazaloba endaweni ezivikelekeyo.

KuLivetalk namuhla sikhangela ukuqhamuka osokwenze uhlobo olutsha lweCovid 19 kwele South Africa olubizwa ngokuthi B1.1.529.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG