amalinks wokungena

Breaking News

Izisebenzi Zikahulumende Zivela Emabhanga Zibobotheka Ngoba Zithole iBonus Ngedola LeMelika


Abanye baseline imali kodwa inengi libikwa liyitholile.
Abanye baseline imali kodwa inengi libikwa liyitholile.

Inengi lezisebenzi zikahulumende, kunye labahola impentsheni, bayathokoza ngokwenelisa ukuthola imali ye bonus ingamadola eleMelika namuhla lobanje kulodubo ekuthatheni lezi mali emabhanga.

Abalwela amalungelo ezisebenzi bathi kumele kwenziwe imizamo yokuthi iholo lonke libe ngama dola eMelika hatshi ibonus nje kuphela.

Ekhuluma lentathelizindaba umkhokheli wenhlanganiso yezisebenzi eye Zimbabwe Confederation of Public Sector Trade Unions (ZCPSTU) eyayisazakala ngokuthi Apex council uNkosikazi Cecilia Alexander uthe bayathokoza ngesinqumo sikahulumende esokuba bathole ama bonus ngedola leMelika.

Uthe lokhu kuzancedisa ukuba badlale ikhisimu enhle njengozulu wonke ngoba intengo yempahla ezitolo isifuna ukuba abantu bathenge nge dola leMelika.

Uthe njalo bayathaba ngesinqumo esithethwe ngu hulumende sokuba benelise ukwala bethenga izimota bengabhadali umthelo we duty.

Ugcizelele esithi isinqumo esithethwe ngu hulumende esokuthi alethe amabhasi amanengi awe ZUPCO sizakwenza bengahlupheki ukuhamba emsebenzini.

Kodwa abehlanganiso ezimela ababalisi bathi imali le kayeneli besithi bazaqhubeka bekhankasela iholo ngedola le Melika.

UMnu Robson Chere ngu nobhala wenhlanganiso elwlela ilungelo lamatitshala afundisa emaphandleni eye Amalgmated Rural Teachers Union (ARTUZ). Ke sizwe imbono yakhe:

Ingcwethi kwezomnotho, uMnu Pride Mkono uthi imali le incane kakhulu kungakho uhulumende kumele azinuke amakhwapha.

Izisebenzi zika hulumende sezileminyaka eminengi zikhala ngokuba ihola lazo libhadalwe ngedola le Melika ngenxa yokuqansa kwentengo ezitolo ngemali yakuleli.

Ezinye inhlanganiso zababalisi ezifana le PTUZ zithi ukuphiwa kwemali leyi kuyindlela kahulumende eyokudinga usekelo ngo mnyaka ka 2023.

Umholi we Zimbabwe Teachers Association (ZIMTA) uMnu Sifiso Ndlovu uthi kumele izsebenzi zithakazelele ukuphiwa amabonus ngoba uhulumende etshengise isifiso sokukubasiza.

XS
SM
MD
LG