Umanyano wamazwe angeZansi yezwekazi le Africa owe Southern African Development Community (SADC) ukhangelelwe ukuqhuba umhlangano wokucubungula ingxabangxoza eselizweni leMozambique namuhla ukuze kube lokuthula kulelolizwe.
Amalwecatsha abikwa ehlasela isigaba seCabo Delgado kulelolizwe njalo-nje, lapho okuhlala abantu bokholo lwesiMoslem, osokubangele ukubhubha kwabedlula inkulungwane ezintathu lekhulu; three thousand, one hundred abanye babaleka emzini yabo.
Amazwe akuSADC ahambisa amabutho awo ukuthi ayencedisana lawe Mozambique ukulwisana lamalwecatsha njalo babikwa sebathathela amalwecatsha eminye imizi ayeseyithumbile njalo sewaqhuba.
Abakhangelelewe ukuba kulumhlangano ngabakhokheli bamazwe eNamibia, South Africa, leBotswana njalo eleMozambique lalo lizaphatheka kuwo.
Ukuhlaziya loludaba, uSithandekile Mhlanga weStudio 7 uxoxe loMnu. Rejoice Ngwenya, ingcwethi ecubungula ezombusazwe.
