Ibhanga elikhulu lelizwe eleReserve Bank of Zimbabwe lithi liphakathi kokucubungula izikolo lamabhizimusi etheswa icala lokuhlela imbadalo esebenzisa umkambo wensitha, iblack market.
Uphenyo lolu luqhutshwa lugatsha lweRBZ olubona ngokulwisana lobuhuquluzi olweFinancial Intelligence Unit.
Usibalukhulu webhanga leli uMnu John Mangudya wazise izolo ukuthi labo abazatholakala belecala bazajeziswa ngokuhlawuliswa kumbe ukuvalelwa ama-bank accounts babuye njalo bavinjwe ukufinyelela inhlelo zokwamukela, ukugcina kumbe ukuthumela imali.
UMangudya uthe abalolwazi ngezephulamthetho kumele batshayele iFinancial Intelligence Unit ucingo kunombolo ezithi 0780434475 kumbe ku0714039897. Ibhanga leli selike lakhipha amabizo abantu lamankampani elithi atshaphaza imali yakwamanye amazwe.
Sixoxe lengcwethi kwezenotho uMnu Reggie Shoko.
