amalinks wokungena

Breaking News

UMakhupe Ukhangelelwe Ukuqhuba Umhlangano Lentathelizindaba Namuhla Lapho Azazisa Khona Ukuthi Usexotshe uMwonzora


UMnu. Douglas Mwonzora.

Oxotshwe kuMDC-T izolo uNkosazana Thokozani Khupe uzakwazisa namuhla ukuthi usexotshe umkhokheli walelibandla uMnu Douglas Mwonzora.

UMaKhupe uzamemezela lelinyathelo emhlanganweni azawenza lentathelizindaba koBulawayo ekuseni ngo11:30.

Uzakwazisa njalo ukuthi nguye osengumkhokheli waleli bandla.

Lokhu kuza ngemva kokuxotshwa kukaMaKhupe kuMDC-T nguMwonzora emethesa amacala atshiyeneyo angawavezanga izolo.

UMaKhupe uzatshela intatheli njalo ukuthi uMwonzora uhle wazixotsha kuMDC-T kunsukwana ezedluleyo ngokwazisa ukuthi ibandla lakhe lizancintisa kukhetho lisebenzisa igama elithi MDC Alliance. Sixoxe lomcebisi kaMaKhupe uMnu Ntando Ndlovu.

please wait

No media source currently available

0:00 0:01:57 0:00

UMnu Ntando Ndlovu ngumcebisi kaNkosazana Thokozani Khupe. Isikhulumeli seMDC-T uMnu Witness Dube utshele iStudio 7 izolo ukuthi uMaKhupe imiswe ukuba lilunga lebandla kulandelwa umthetho.

Sixoxe lengcwethi kwezombusazwe uMnu Effie Dlela Ncube.

please wait

No media source currently available

0:00 0:02:12 0:00


Facebook Forum

XS
SM
MD
LG