amalinks wokungena

Breaking News

Umanyano weEkhaya Vote 2023 Uqhuba Umncintiswano Wokupha Ontanga Ama Cellphone Nxa Bengabhalisela Ukuvota


UMnu. Nkosikhona Dibiti
UMnu. Nkosikhona Dibiti

Umanyano we Ekhaya Vote 2023 uthi namuhla uzasungula umncintiswano lapho abazanqoba abazathola umvuzo wabomakhalekhukhwini ngendlela yokuthaza abatsha ukuthi bebhalisele ukuvota.

Uhlelo lolu luzaqhutshwa e Magwegwe, Njube-Lobengula Makhandeni-Entumbane, leMpopoma-Phelandaba andubana kube leminye imikhankaso eyehlukeneyo eMatabeleland South leNorth.

Uluhlu olusanda ukuvezwa yinhlanganiso ebona ngokuqhutshwa kokhetho eyeZimbabwe Election Commission luveza ukuthi kulabantu abalushwana ababhalisileyo endaweni zokuvotela ikakhulu koBulawayo, Matabeleland South, leMidlands, okungabangela ukuthi izigaba lezi zihlanganiswe zibelihlekana ngohlelo lwe delimitation exercise.

I-ZEC ithi amagama alabo abazancintisa kukhetho olwama by-elections ngenyanga ezayo aselotshwe ngokusemthethweni kugwalo lweGazette njalo amabandla ezombusazwe aphakathi kokukhankasela lokukhetho.

UMnu. Nkosikhona Dibiti oyisikhulumeli seEkhaya Vote 2023 uchasisela uSithandekile Mhlanga weStudio 7 okunengi ngaloludaba.

please wait

No media source currently available

0:00 0:03:29 0:00


XS
SM
MD
LG