amalinks wokungena

Breaking News

Inhloko Zendaba, Nhlolanja 9, 2022


Inhloko Zendaba

***Izisebenzi zikahulumende zamukele ngemizwa ehlukeneyo ukwengezwa kwe holo lazo ngumqatshi ngesilinganiso sokungamatshumi amabili ekhulwini-20%.
***Osakhulayo waseGwanda owathunjwa wabulawa kunyanga edlulileyo umzimba wakhe obusuwonakele watholakala ngolwesihlanu kuviki edlulileyo ubekiwe lamhlanje izikhulumi ezinengi zikhalela ukuthi bajeziswe abenze lumona. Inengi licabangela ukuthi uThembani Moyo angabe wabulawa wakhitshwa izitho zomzimba ukuze zisetshenziswe ekuthakatheni. Abasolwa ababili sebebotshiwe bamiswa phambi komthendwaba besetheswa icala lokuthumba lokubulala.
***Ngokutshona kosuku lwayizolo kulabantu abaphezu kwekhulu-137, ababafunyenwe beleCOVID-19 kwabhubha oyedwa, kubika abogatsha lwezempilakahle.
* Ikhomishini ebona ngokuqhutshwa kokhetho, iZimbabwe Electoral Commission (ZEC), isikhuthaze abafundi asebefikise iminyaka elitshumi lasitshiyangalombili, 18, ukuthi bayebhalisela ukuvota ngobunengi phansi kohlelo lweMobile Voter Registration oluqhubekayo.
* Ibandla leZANU PF lithi akusiqiniso ukuthi lixotshe umqondisi walo obona ngokwethulwa kwemibiko uMnu. Tafadzwa Mugwadi njengalokho okuphuma enkundleni zebulenjini.
***Umkhokheli weZANU PF umongameli Emmerson Mnangagwa ukhangelelwe ukuphawula ngokusemthethweni kusasa umkhankaso webandla lakhe owokhetho oluzayo olwama by-elections.
***Izizalwane zeZimbabwe kweleSouth Africa zidlela evalweni ngaphambi kwenkulumo yesizwe ezakwethulwa nguMongameli Cyril Ramaphosa kusasa njengoba ekhangelelwe ukwethula uluhlu lwemisebenzi ekhangelelwe ukuthi yenziwe yizizalwane zakweleSouth Africa kuphela.
Kuhlelo lwezizalwane zeZimbabwe ezihlala kwamanye amazwe, namuhla sixoxa loNkosazana Nomthandazo Nkomazana, odabuka eZimbabwe, othenga ethengisa impahla esedolobheni leMumbai kwele India.
KuLivetalk namhlanje kuhlelo “Diaspora Forum” sikhangela okwenziwa yizizalwane ze Zimbabwe esezihlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG