amalinks wokungena

Breaking News

UMnangagwa Ukhangelelwe Ukusungula Ngokusemthethweni Umkhankaso weZANU PF owamaBy-Elections ngoMgqibelo


President Emmerson Mnangagwa addressing senior members of Zimbabwe ruling Zanu PF party on Oct. 29, 2021 in Bindura about 80km north of Harare (Columbus Mavhunga/VOA)

Umkhokheli webandla leZANU PF umongameli Emmerson Mnangagwa ukhangelelwe ukuphawula ngokusemthethweni ngoMgqibelo, umkhankaso webandla lakhe owokhetho oluzayo olwama by-elections emhlanganweni omkhulu weRally eEpworth eHarare.

Lokhu kuvezwe yisikhulumeli salelibandla uMnu. Chris Mutsvangwa ekhuluma emhlanganweni lentathelizindaba ngoLwesithathu eHarare.

UMnu. Mutsvangwa uqhubeke wathi ibandla lakhe likhangelele ukunqoba lemadolobheni lapho izihlalo ezinengi ezathathwa libandla leMDC Alliance, eselisaziwa ngokuthi yiCitizens Coalition for Change, yena athi aliqhubi umsebenzi ngemfanelo.

Ibandla leCitizens Coalition for Change lona selisole uhulumende okhokhelwa libandla leZANU PF ngelithi yikuvumela imbuthano yebandla lakhe kodwa esenqabela kumbe ebopha mahlayana amalunga eCCC nxa ezama ukukhankasa kumbe ukuqhuba imihlangano.

Ukuhlaziya loludaba, asizweni umbono kaMnu.Nhlanhla Moses Ncube, ingcwethi ecubungula ezombusazwe njalo eyisiphathamandla sebandla le Freedom Alliance.

Kusenjalo, uMnu. Mutsvangwa uthi akusiqiniso ukuthi i-ZANU PF ixotshe umqondisi walo obona ngokwethulwa kwemibiko uMnu. Tafadzwa Mugwadi njengalokho okuphuma enkundleni zebulenjini.

Uthi uMnu. Mugwadi ulokhe ephethe isikhundla lesi njalo ngosakhulayo osebenza gadalala, futhi ethenjwa ngabakhokheli bengatsha zalelibandla.

Facebook Forum

XS
SM
MD
LG