amalinks wokungena

Breaking News

Bamiswa Emthethwandaba Abakubandla Lika Chamisa Okuthiwa Bahlasela Omunye Wabo


Impahla yebandla likaMnu Nelson Chamisa elitsha eleCitizens Coalition for Change (CCC).

Amalunga amahlanu awebandla leCitizens Coalition for Change (CCC) amiswe emthethwandaba kamantshi ngoLwesine esetheswa icala lokutshaya uNkosikazi Thokozile Muchuchuti, omunye wabazamela ibandla leli ku Ward 4 eMasvingo kukhetho lwama By-elections ngenyanga ezayo. UMlondolozi Ndlovu usethulela loludaba ngokugcweleyo.

Abahlanu laba uEsnath Zishiri, Emma Chiriga, Garikai Mpandawana, Ropafadzo Tabe lo Matthew Giyani bamangalelwe nguNkosikazi Muchuchuti ahle abotshwa izolo.

UNkosikazi Muchuchuti uthi phezu kokutshaywa watshontshelwa imali edlula amakhulu amane amadola eMelika US$449.

UMantshi uGrace Tupiri weMasvingo wethule isinqumo sokuthi amalunga aweCCC lawa avunyelwe ukuhlawula isibambiso se-bail njalo baphenduke mhlaka 3 Mbimbitho edale.

Igqwetha labo, uMnu. Owen Mafa, uthi abahlanu laba betheswa amacala amabili okwephula umthetho weCriminal Law (Codification Reform) Act isigba 89 lesigaba 113.

“Yimi engimela abeCCC laba abaku Ward 4 edolobheni leMasvingo. Betheswa umthetho wokutshaya umuntu lokutshontsha imali kalowo omangalayo."

Uqhubeke esithi abahlanu laba baphiwe imvumo yokuthoniswa besuka ngekhaya.

“Singenile edale secele ukuba bathoniswe besuka ngengakhaya. Bazaphenduka mhlaka 3 Mbimbitho ukuba udaba lwabo luzwakale."

Umsekeli wesikhulumeli seCCC eMasvingo, uNkosikazi Lee Mahachi, wethese ibandla leZANU PF icala lokuphendulela udaba lolu isebenzisa umthetho ukuhlukumeza amalunga ebandla lakhe.

Imizamo yokukhulumisana labalandeli leZANU PF yehlule ngoba ucingo lomphathintambo webandla leli eMasvingo, uMnu. Robson Mavhenyegwa, belusala ukungena lembiko ethunyelwe kumakhalekhukhwini enkundelni eyeWhatsapp ibingaphendulwa.

Kodwa uMavhengwa uhlala etshela intathelizindaba ukuba ibandla lakhe liqakathekisa umthetho welizwe kalilani lokwenzakala kumabandla aphikisayo.

Ababebandla leCCC bethesa ibandla le ZANU PF icala lokubangela udlakela lokusebenzisa amapholisa ukubabopha.

Facebook Forum

XS
SM
MD
LG