Ibandla elikhulu eliphikisayo eleCitizens Coalition for Change, lithi ngomumo ongamanga kuhle eZimbabwe bekungamelanga uMongameli Emmerson Mnangagwa ahambe kwele Mozambique ukuyaxoxisana loMongameli Filipe Nyusi eMaputo ngobudlwangudlwangu obudalwa ngamalwecatsha kulelolizwe.
Umsekeli wesikhulumeli sebandla leli, uMnu. Gift Ostallosa Siziba, uthi bekungamelanga uMnangagwa ahambe kwele Mozambique ngoba abantu abanengi bathwele nzima eZimbabwe ngenxa yomnotho ogugudeke okumangalisayo.
Kodwa abakubandla leMovement for Democratic Change elikhokhelwa nguMnu. Douglas Mwonzora, bathi uhambo lukaMnangagwa luqakathekile ngoba abalwisana lohulumende kaNyusi balakho ukungena emazweni wonke emhlubulweni wezansi yezwekazi leAfrica.
Abakubandla leZANU PF bathi eleZimbabwe likhangelwa ngamanye amazwe kuzwekazi leAfrica njengamanye enelisa ukulondoloza ezomvikela.
EleZimbabwe lisanda kukhethwa ukuba lingene kunhlangothi lweAfrican Union Security Council.
EleMozambique lilwisana lama lwecatsha aweIslamic State eCabo Delgado lezinye indawo.
UMnangagwa loNyusi bakhangelelwe ukuba bazaxoxa kabanzi ngodaba lolu.
Amalwecatsha la asebulele abantu abanengi eCabo Delgado. Kulabantu abedlula inkulungwane ezingamakhulu amabili - 240,000 ababaleka emizini yabo ngenxa yobudlwanfudlwangu obenziwa ngamalwecatsha la.
Inhlanganiso yamazwe akumhlubulo wezansi yezwekazi leAfrica eyeSouthern African Development Community iphathisasa leye African Union ekuzameni ukuvimba amalwecatsha la.