amalinks wokungena

Breaking News

Abatshayeli Bezimota Bakhala Ngokukhutshulwa Kwenhlawulo Yokuphakha Izimota


Bulawayo City Hall

Abatshayeli bezimota bathi balokukhathazeka okukhulu ngesinqumo sekhansili yako Bulawayo sokukhuphula inhlawulo yokuphakha izimota phakathi kwedolobho leli.

Abekhansili bathi lokhu bakwenza ngenhloso yokuvikela ukuminyana phakathi kwedolobho njalo badinga imali yokuphathisa ezentuthuko koBulawayo.

Basele bephethe owangaphansi abatshayeli bakoBulawayo bemangazwa yinhlawulo yokuphakha izimota okwesikhatshana enzikini yedolobho. Omunye wabo ngunkosazana Faith Tshuma othi kalankani ngenyathela likamanisiphala leli.

"Mina ngilobuhlungu obukhulu obenziwa yiKhansili ukuthi ikhansili nxa izakuthi khonakhona ukuthi siphakhe izomota, 30 minutes bathi khona khona siyabhadala imali engange dollar. Idollar that's a lot of money, vele asivumelani lakho, sithi phansi ngakho, vele lokho akunga appruvwa, akungavumakali ngoba yinto engalunganga leyi siqilwa egcekeni nje that's a day light robbery.”

UMnu. Justine Ncube uthi okunje kazake akubone ikhansili iyalwa.

"Ukuthi dollar for 30mins asizake sikuzwe kulo leli lizwe lakithi leHarare kwang'khona capital city akula bantu abathi dollar for parking. Angwazi ukuthi bazama ukukhawulisa kumbe abantu bakhona ababuyileyo abazange benze iresearch ezwayo kumbe kulomuntu ophombu Kufaka price engazange eyenze research yakhe"

UNkosazana Lilian Nkomo yisakhamuzi sakoBulawayo okhala ngokuthi lindleko izabathwalisa nzima.

"Ngingena everyday etown so imota yami ngizayiphakha ngaphi ngenxa yeproblem yonaleyi yokuthi ngizayiparker ngaphi akulandawo yokuparker imota so asazi kanti senze njani City council yakhona ithi sithini njoba labo zupco bakhona bakhwelile and abaqondakali lokugada kwakhona so senzenjani ukuze sikwanise ukuhamba kuhle sicela ukuthi kwehliswe amaprice lawo kuma parking ukuze sithole indawo zokuparker izimota."

Isikhulumi sedolobho lako Bulawayo, uNkosazana Nesisa Mpofu, uthi besekule ngxabangxoza koBulawayo abatshayeli bengasalandeli imthetho yeKhansili yokuphakha izimota.

"Besesilahlekelwa yizimali ngoba amavehicles ebesehlala Kuma parking bays isikhathi esinde.siyakhumbula futhi kwezinye indawo besekula macar cleaners atshona ecleaner izimota kubelabantu abatshintsha imali abahleliyo emgwaqweni izimota zabo zitshona zihlezi, kubelabo mechanic futhi abahleli khonaphana Labanye laba aba public transporters besebetshona bephakhile kumaparking bays.”

UMaMpofu uyaphambili egcizelela ukuthi uhlelo lolu asolokuvimba izimota kuphela kodwa uKhansili ufuna ukukhulisa isikhwama sakhe semali.

"Iproject Leyi ikhangelani, ikhangela ukuthi okokuqala izangenisa Imali edolobheni lakoBulawayo ngoba project Leyi ikhangela ukuthi nxa siparker sizabhadala i30mins zone uzaparker for 30mins ubhadale idollar yakho kubesekusiba lamanye amazone awe 1 hour uzaparker for 1 hour ubhadale idollar yakho.”

Ikhansili yako Bulawayo iqhatshe inkampani yeHarare okuthiwa yiTeddy 3 ukuthi ibeyiyo ebabuthanisela imali ze parking njalo ibikwa izafaka lama Camera okuvikela ubusela edolobheni lakoBulawayo.

Abantu abanengi bakhala ngokuthi babanjwa ngamandla ukungena enzikini yedolobho belanda ukuyathatha imali emabhanga lapho okuhlala kulendwendwe ezinde zabayabe belinde ukungena phakathi.

Facebook Forum

XS
SM
MD
LG