amalinks wokungena

Breaking News

Inhloko Zendaba Nhlolanja 22, 2022


Inhloko Zendaba

*** Inani labafundi abatholakale belegcikwane leCOVID-19 likhanya liqansa lokhe zavulwayo izikolo kodwa ugatsha lwezemfundo luthi lokhu akumelanga kwethuse uzulu.

*** Ingcwethi enhlangothini ezitshiyeneyo zithi indlela kuphela engasebenza edabeni lwababalisi, yikuyikuxoxisana hatshi ukudonselana kuphoselanwa aqatha njengalokho okwenzakalayo. Lokhu kuza ngesikhathi uhulumende ebethe umhla ka 22 Nhlolanja njengosuku lwakucina kubo bonke ababalisi, abakade belokhe bengakabuyeli emsebenzini, ukuthi babe sebebuyele lapho abasebenzela khona, kuthi abayabe bengaphindelanga bazathathwa njengabantu asebetshiye umsebenzi.

*** UManisipala wedolobho leGwanda uthi usezabhadalisa eminye imithelo yakhe ngedola leMelika kuphela, lelinyathelo selichothozwe yizakhamizi ezithi zona zihola imali yohlobo lweRTGS. Imota ethwala izigulane kanye leyokucitsha umlilo sezizabhadalelwa ngedola leMelika.

*** Amapholisa akweleSouth Africa izolo adubule abulala izigebenga eziyisitshiyagalombili, kwabotshwa ezilitshumi ezigoqela izizalwane zaseZimbabwe.

***Uhulumende weleMelika loweBhilitane bathi bazengezelela izijeziso zenotho kuziphathamandla zakwele Russia phezu kodaba lokufuna ukungena ngamandla kwele Ukraine okufuna ukwenziwa ngele Russia.

***KuLivetalk namhlanje kuhlelo “The Connection” sixoxa labatsha ngodaba lokubhalisela ukuthola ilungelo lokuvota kanye lenkuthazo yokuthi bavote ngezikhathi zokhetho.

***Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG