amalinks wokungena

Breaking News

'Kunengi Okufunwa NguPutin Kwele Ukraine'


EleRussia selingenise ibutho kwele Ukraine lapho eselincedisa khona amalwecatsha alwisana lohulumende kaMnu. Volodymyr Zelenskyy.
EleRussia selingenise ibutho kwele Ukraine lapho eselincedisa khona amalwecatsha alwisana lohulumende kaMnu. Volodymyr Zelenskyy.

EleUkraine lithi bonke abadabuka kulelolizwe abahlala kwele Russia kumele bebuyele ekhaya ngokutshetsha ngoba sekuqhamuke impi phakathi kwelizwe leli lele Russia.

Ngesikhathi esifanayo, iReuters News Agency ibika ukuba eleRussia selisusa abalimeleyo kwele Ukraine kulandela imibiko ethi ilizwe leli selifuna ukuvala ngci imingcele lilungiselela okungenziwa ngele Russia, elingenise ibutho empumalanga yakwele Ukraine, lapho umkhokheli wakwele Russia uMnu. Vladmir Putin athi sokungamazwe azimeleyo.

UPutin selesikhathi eside esekela amalwecatsha kuleyondawo alwisana lohulumende wakwele Ukraine.

Abazi ngokwenzakalayo bathi uPutin ujonge ukuhluthuna intambo zombuso kwele Ukraine athi kwakuvele kuyingxenye yakwele Union of Soviet Socialist Republic, eyabhidlika mhlaka 25 Mpalakazi, 1991.

EleUkraine ngelinye lamazwe ambalwa asungulwa kulandela ukubhidlika komanyano wamazwe eU-S-S-R. Owayekhokhela eleSoviet Union ngesikhathi leso, uMnu. Mikhail Gorbachev, watshiya umsebenzi esithi ubezama ukulungiselela abantu impilo engcono ngokufaka umbuso ezandleni zikazulu.

Okwamanje, uPutin uthi kumele eleUkraine libe yingxenye yakwele Russia.

UMnu. Rejoice Ngwenya, ingcwethi kwezombusazwe, uthi kunengi okufunwa nguPutin kwele Ukraine.

XS
SM
MD
LG