amalinks wokungena

Breaking News

Iqhubekela Phambili Impi Kwele Ukraine Okulezizalwane zeZimbabwe Ezifisa Ukuyaphephela Kwamanye Amazwe


Ibutho lakwele Russia elifisa ukuyahlasela kwele Ukraine selisondele edolobheni leKyiv.

Iqhubekela phambili impi kwele Ukraine lapho okulezizalwane zakwele Zimbabwe ezizama ukubaleka ziyephephela kwamanye amazwe.

Lokhu kwenzakala ngesikhathi eleUkraine likhulumisana lele Russia emngceleni wakwele Belarus ngokubeka phansi izikhali.

Inhlanganiso yamazwe omhlaba wonke jikelele eyeUnited Nations ithi abantu abedlula inkulungwane ezingamakhulu amane – 422,000 sebebalekile kwele Ukraine bayaphephala kwamanye amazwe selokhu kuqhamuke impi elizweni leli.

Inhlanganiso le ithi abantu abedlula ikhulu – 102 sebebulewe kusukela ngesikhathi kuqhamuke impi le eqalwe ngele Russia, elingafuni ukuba eleUkraine lingene kumanyano weNATO.

Kulabadabuka eZimbabwe abafunda kwele Ukraine asebefikile kwele Poland kubelabanye njalo abazama ukuya eRomania lamanye amazwe.

Kodwa bathi akusahambeki ngenxa yebutho lakwele Russia eselivale ngci indawo ezinengi.

Inhlanganiso yeUnited Nations ithi bonke abantu abafisa ukubalekela impi le kumele bevunyelwe ukuya emazweni atshiyeneyo.

ULaison Moyo, odabuka eZimbabwe ofunda eVinniystia National Medical University, uthi laye sezame ukubaleka kulelolizwe.

UMnu. Rejoice Ngwenya, ingcwethi kwezombusazwe njalo olendodana eyafunda kwele Ukraine, uthi kusobala ukuba eleRussia lehlulekile ukugenqula uhulumende wakwele Ukraine ngesiphangiphangi. UNgwenya uhi akwaziwa ukuba amazwe la azakhumisana umlotha kumbe hatshi.

Facebook Forum

XS
SM
MD
LG