*** Umkhokheli welinye lamacele aweMDC-T, uNkosazana Thokozani Khuphe uthi ukudabuka phakathi lokungabambani okuqotho kwamabandla ezombusazwe aphikisayo eZimbabwe yikho osekuphe ibandla elibusayo leZANU-PF ithuba lokuqhubeka ngombuso ongathakazalelwa nguzulu.
*** Izakhamizi zakoBulawayo ziyala ukwamukela umthetho okhangelelwe ukwethulwa nguhulumende, osahlaziywa okwamanje, ozalawula ukusebenza kwenhlanganiso ezizimeleyo owe PVO Bill. Zithi lokhu kuzaphazamisa usizo abaluthola kunhlanganiso ezizimele zodwa.
*** Kuzabanzima kwabeZimbabwe abangafisi ukuhlatshwa ijekiseni yeCovid-19 ukuthi bethekelele kweleBotswana kulandelwa ukukhitshwa kweziqondiso ezintsha ezePublic Health Order.
*** Umongameli Joe Biden weleMelika wethule umbiko wakhe oqakathekileyo wesimo selizwe leli oweState of the Union izolo ntambama.
***KuLivetalk namhlanje kuhlelo “Diaspora Forum” sikhangela okwenziwa ngabeZimbabwe asebehlala kwamanye amazwe.
***Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.