amalinks wokungena

Breaking News

U-Bulawayo Ukhuthazwa Ukusebenzisa Amanzi Ngonanzelelo


Amadamu anathisa uBulawayo akagcwalanga

Amadamu anathisa uBulawayo alokhe engagcwalanga njalo ikhansili yaleli dolobho ithi amanzi asetshenzwiswayo yizakhamizi manengi manengi kakhulu bethi lokhu mhlaumbe kubangelwa yikutshisa. Okwamanje idolobho leli livala amanzi okwamahola angamatshumi amabili ngelanga.

Ikhansili yakoBulawayo ithi okwakhathesi amanzi asemadamu ayenela ukuthi afinyelele kuzulu wonke. Kodwa ke nxa izikhamizi zedolobho leli zingaqhubeka zisebenzisa amanzi amanengi, lezulu nxa lingasananga lengeza amanzi asemadamu, idolobho selingangena kuhlelo lokuvalelwa amanzi okwesikhathi eside kunyanga ezizayo.

Unkosikazi Sikhululekile Moyo ukhansila wePumula njalo engumgcinisihlalo we Future Water Supply’s and Action Committee kukhansili ukhonona ngesilinganiso esikhulu samanzi asetshenziswa yizakhamizi zakoBulawayo.

“I average percentage esemadamu khathesi yi 59,7%, besisakhangelele ukuthi wonke umuntu okoBulawayo afinyelelwe ngamanzi. Kodwa sithola ukuthi ngendlela abantu abasebenzisa ngakhona amanzi kuyakuphuka kubangelwa yikutshisa lokhu okukhona. Njalo nxa sikhangele emadamu ethu sikhangele ukuthi kungaqhubeka abantu besebenzisa amanzi ngobunengi bawo kuzaba lohlupho esike salubona ngomnyaka ka2019 kusiya Ku 2021. Amanzi sizabe sesikhangele ukuthi siwanikeze abantu kuze kuyefika isikhathi esikhangelele izulu, kodwa okwakhathesi amanzi asanela ukuthi ayefika kuye wonke umuntu okoBulawayo.”

Uqhubekela phambili uNkosikazi Moyo echaza ukuba ikhansili ilungisa impompi zamanzi zamalokitshi lawa aphakathi kohlelo lokuvalelwa amanzi okwamahola angamatshumi amabili (20hrs).

"Uhlupho oluseMagwegwe West, North leGwabalanda omanjinela bethu baphezulu kwalo.Ukuze babone ukubana bakhuphula njani indlela zokufikisa amanzi ebantwini.Okwakhathesi be Ku always amanzi ngenxa yo hlupho lwe pipe network.”

Unobhala wenhlanganiso yezakhamizi eyeBulawayo Progressive Residents Association for Water Executive Council umnumzana Joseph Nkomazana uthi uhulumende kumele angenele ukuthi kulungisiswe amadamu aphelela endleleni.

“Indaba yamanzi koBulawayo isolution yikuthi iBulawayo City Council ayikhulumisane lohulumende ngodaba lweNyamayendlovu ibelama pump amanengi ngoba sikesahamba sathola bebusy kodwa ngesikhathi sakhona 2years back amapump abengakabi manengi ukuthi amanzi apontshwe abemanengi .Uhulumende uyakwazi ukuthi amanzi koBulawayo ayahlupha ngenxa yeClimate change I Gwayi Shangani project layo isebenze .Siyakwazi amaNGOs afakile amaboreholes lapha lalaphana kodwa kumele bafake abemanengi abeseduzeduze emalokitshini ukuthi bantu basebenzise.”

Unkosikazi Mellisa Mafu uthi ikhansili iyayekela ukulungisa impompi zamanzi ezidabukileyo ngesikhathi okubangela ukumotshakala kwamanzi.

"Kuyadanisa kakhulu ukuthi ikhansili ithi abantu basebenzisa kakhulu amanzi ngokunanzelela kwethu amadamu awasathwali kakhulu amanzi ngokuthi kulodaka ngaphansi kudala acina ukugeziswa. Amapipe amanengi ayadubuka iviki yonke amanzi egeleza kungela lutho oluyenziwayo azayekela njani amanzi ukudlaliseka kunjalo ngoba nxa egeleza kithi endlini ayabe engekho bona yibo okumele balungisise kusasemasinyane.”

Idamu elilamanzi amanengi elinathisa idolobho lakoBulawayo yi Insiza, lapho okulamanzi aphosa afike kumatshumi ayisitshiyagalombili ekhulwini (78,50%). Kulandele uMtshabezi ongamatshumi ayisikhombisa lasithupha ekhulwini (76.4%), kulandele iLower Ncema engamatshumi ayisikhombisa lanhlanu ekhulwini (75,59%). Kulandele iNyankuni ekumatshumi amahlanu lane ekhulwini (54,42%), kubuye uUpper Ncema ophosa afike kumatshumi amabili lane ekhulwini (23,57%), kucinele ngoUmzingwane olamanzi aphosa abeyisitshiyagalombili ekhulwini (7,58). Engahlanganiswa amanani lawa amanzi asemadamu anathisa uBulawayo aphosa afika kumatshumi ayisithupha ekhulwini (59,76%).

Kumbiko okhitshwe izolo yinhlanganiso ekhangele umumo womkhathi eye Meteorological Service Department (MSD) ubesithi kuzabe kulamayezi lamuhla kuthi emini kufefeze kundawo ezilandelayo eMatabeleland North, koBulawayo, kwezinye indawo ze Midlands, izabelo zonke zeMashonaland kanye laseHarare. Kuthi kwezinye indawo zelizwe kuzabe kutshisa.

Umumo womkhathi lowu ukhangelele ukuba uzaqhubeka unjalo kuze kufike oLwesihlanu. Idolobho lakoBulawayo lamukele izulu ngoLwesithathu ngemva kwesikhathi izulu limile ukuna.

Udaba lwamadamu akoBulawayo siluphiwa nguBathabile Masuku
please wait

No media source currently available

0:00 0:04:51 0:00

Facebook Forum

XS
SM
MD
LG