*** Abadabuka eZimbabwe abafunda kwele Ukraine, bathi baphume nzima kulelolizwe ngoba beselibhomba ngamandla eleRussia. Abanye babo babaleke bayaphephela kwele Poland abanye baya kwele Romania lamanye amazwe angomakhelwane.
*** Kusasa ngolweSibili mhla ka 8 Mbimbitho, eleZimbabwe limanyana lamanye amazwe umhlaba wonke jikelele ukunanza usuku oluqakathekisa abesifazane njalo olwalonyaka lunanzwa ngaphansi kwendikimba ethi " Gender Equality today for a sustainable tomorrow."
*** Ingcwethi kwezempilakahle zithi kuqakathekile ukuthi uzulu azi ukuthi udubo lwesimo sokuswela inzalo aluhlaseli abesifazana kuphela kodwa labesilisa balakho ukwehlelwa yilo.
*** Selihlezi phezu kwengalane yemiklomelo kusigaba se Castle Lager Premier Soccer League iqembu le Chicken Inn ngemva kwemidlalo yangempelaviki.
***KuLivetalk namhlanje sikhangela amalungiselelo okhetho lwama By-elections olwenziwa mhlaka 26 ngayonale inyanga kaMbimbitho kanye lokwenzakala kwele Ukraine ehlaselwa kanzima ngele Russia sikhulumanje.
***Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.