amalinks wokungena

Breaking News

Inhloko Zendaba Mbimbitho 09, 2022


Inhloko Zendaba
Inhloko Zendaba

*** Uhulumende sekhuphule intengo yamafutha ezimota okwesibili phakathi kwensuku ezine esithi lokhu kubangelwe yikukhwela kwentengo emkambo womhlaba. I-liter yephethulo ikhwele isuka kuUS$1.52 yaya kuUS$1.67. Idizili yona ikhwele isuka kuntengo efanayo yaya kuUS$1.68.

*** Sekuyiminyaka eyisikhombisa selokhe intathelizindaba elwela amalungelo oluntu, uItai Dzamara wanyamalalayo,. Imuli yakhe, abangane lalabo asebenza labo baveza ukudana okukhulu besithi balethemba ukuba uzabonakala esaphila.

*** EleZimbabwe lilobelane leleKenya namuhla izivumelwano ezigoqela ezokusebenza ndawonye ukuthuthukisa umnotho wamazwe womabili, ezomvikela, ezokuvakatshelana, ukuthengiselana, kanye lokuthuthukisa impilo yabasakhulayo labesifazana.

*** Abadabuka eZimbabwe abanengi abaphansi kohlelo lweZimbabweans Special Permits, kabasoze benelise ukulungisa amaphepha okuhlala kwele South Africa ngenxa yokuthi kabangeni kunhlelo zonke zohlangothi lukahulumende olubona ngezethekeli lendaba zekhaya.

KuLivetalk namhlanje kuhlelo “Diaspora Forum” sikhangela okwenziwa ngabadabuka eZimbabwe asebehlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG