amalinks wokungena

Breaking News

Inhloko Zendaba Mbimbitho 11, 2022


*** Ibandla leZanu PF lisola okwethulwe edale leHouse of Lords kwele Bhilithane lapho kuhlaziywa isimo sezombusazwe lokwephulwa kwamalungelo oluntu eZimbabwe.

*** Amapholisa aseyale ukupa imvumo yokuqutshwa komhlangano omkhulu oweRally, eMarondera, wokukhankasela ukuthola usekelo kukhetho lwamaBy-elections owebandla leCitizens Coalition for Change-CCC.

*** Ingcwethi ezicubungula ezenhlalakahle kazulu zithi sezinanzelele ukuqonga kwenani labatholakala beleCoronavirus selokhu imihlangano yabamabandla ezombusazwe yaqalayo, yokudinga usekelo lokuthi avotelwe kukhetho lwama By-Elections, olwenziwa mhlaka 26 yonale inyanga kaMbimbitho.

*** Uhlangothi lomanyano weUnited Nations olubona ngezomvikela olweU.N. Security Council lukhangelelwe ukuba lomhlangano namuhla, ocelwe ngele Russia elithi uhulumende wakwele Ukraine wayelungisa izikhali eziletshefu – amabiological weapons.

*** Kuhlelo Woza Friday namuhla sileqembu elihlabela i-rhumba ele‘Ezakobonke Parental Bliss’ liphethe idlalade lalo lesine elilesihloko esithi ‘Efelweyo Ayibanjelwa Mazwi.’

KuLivetalk namhlanje kuhlelo sikhangela imikhankaso yamabandla ezombusazwe yokudinga usekelo kukhetho lwamaBy-elections kanyelokwenzakala kwele Ukraine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG