amalinks wokungena

Breaking News

Ukuhlaziywa Kodlakela lweZimbabwe Ephalamende yeBhilithane Kucunula abeZanu PF


Protest against Russia's invasion of Ukraine, at Parliament Square in London, Britain, March 6, 2022.

LONDON – Ibandla leZanu PF selisole iphalamende yaseBhilithane, iHouse of Lords, ngokuchothoza umbuso kaMongameli Emmerson Mnangagwa phezu kokwephulwa kwamalungelo oluntu lokubulawa komlandeli weCitizens Coalition for Change (CCC) ngabanakanelwa ukuthi yizikliwi zebandla elibusayo.

Okuthukuthelise lelibandla yinkulumo kaLord Johnny Oates, ongomunye wabagcinisihlalo bekhomithi yaliphalamende ebona ngendaba zeZimbabwe, otshele lelidale ukuba uhulumende weZanu PF usehlukumeza abantu ngamandla ngesikhathi kulungiselelwa ukhetho lwamaby-elections oluzakwenziwa mhlaka 26 kulinyanga.

Amazwi kaOates agcizelelwe ngumphathintambo obona ngendaba zomanyano wamazwe ake abuswa ngeleBhilithane oweCommonwealth, uMnu. Patrick Stopford, othe uhulumende welizwe lakhe ukhathazekile kakhulu ngalokhu.

Umkhokheli wamalunga eZanu PF edale lephalamende, u-chief whip, uMnu Pupurayi Togarepi, usole amazwi kaOates lakaStopford esithi akula bufakazi balokho abakukhulumayo.

“Akukaze kufike engqondweni yami ukuthi ilunga lephalamende lingacubungula udaba olungaka beluthatha emakhasini okuzilibazisa ku-social media,” kutsho uTogarepi.

“Ukulambela ukucubungula iZimbabwe okwenziwa nguLord Oates kumele akwekele. EleBhilithane kumele lingadakwa, kuqakathekile ukuthi bafune iqiniso kuqala.”

Uqhubeke wathi: “Thina asisabuswa yiBhilithane njalo asifuni abantu abalembali engcolileyo yokuhlukumeza abantu babe ngunompembe kwezombusazwe wethu. Ibandla elitsha elikhokhelwa ngu[Nelson] Chamisa aso party le, yinhlanganiso yezikliwi ehlala isenza udlame ebantwini abamsulwa beZimbabwe selokhe labunjwayo leli bandla.”

Omunye otshiseke ngokuhlafunwa kodaba lweZimbabwe ephalamende yeHouse Of Lords ngosaphethe isikhundla somgcinisihlalo weZanu PF eBhilithane uMnu Xavier Zavare.

“Kuyayangisa njalo kulihlazo ukubona umuntu ohloniphekayo njengoLord Oates endlini yeHouse of Lords esukuma ngembiko engasiqiniso ephakulula amanga awazwayo ezama ukukhuthaza uhulumende wakhe ukuthi afake izijeziso zenotho ezetheswa eleZimbabwe,” kutsho uZavare ngokuthukuthela.

Kodwa ilunga leCCC, uMnu Abednicho Bhebhe, utshele iStudio 7 ukuthi liqiniso elikhulunywa nguhulumende weleBhilithane.

"I-Zanu PF iyaziwa ngokubulala, yaziwa ngokuhlukuluza, yaziwa ngento zonke ezimbi, yibo ababulala uMboneni Ncube. So lokhu asikudingi, kasikudingi, asikuphumputhi, akuphumputhwa,” kutsho uMnu Bhebhe.

“Kuyatshengisa nje ukuthi thina eZimbabwe lapha sibuswa yiziwula. Even leSadc iyakwazi ukuthi iZanu yizikliwi, yizigebenga, ngabantu ababulalayo, ngabantu ababi, babulele abantu, igazi balichithile, sebechithe lomkhonomi welizwe.”

Umanyano wamazwe akuzwekazi leEurope, oweEuropean Union (EU), ngenyanga edluleyo uqhelise izijeziso zenotho ewazethesa inkampani elungisa izikhali zebutho, iZimbabwe Defence Industries (ZDI), usithi uhulumende ulokhe esephula amalungelo kazulu.

Kodwa ususe umsekeli kaMnangagwa, uMnu Constantino Chiwenga, umholi webutho uPhillip Valerio Sibanda kanye loNkosikazi Grace Mugabe kuluhlu lwawo lezijeziso.

Abathathu laba yibo bodwa amalunga eZanu PF kumbe abakuhulumende ababesele kuloluluhlu kulandelwa ukukhitshwa kwabanye kuzijeziso lezi yiEU.

please wait

No media source currently available

0:00 0:04:02 0:00

Facebook Forum

XS
SM
MD
LG