amalinks wokungena

Breaking News

I-U.N Ihlolisisa Ukusetshenziswa Kwezikhali Kwele Ukraine Ezilemithi Ehaqazayo Njalo Esubula Umzimba


APTOPIX Russia Ukraine War
APTOPIX Russia Ukraine War

Uhlangothi lomanyano weUnited Nations olubona ngezomvikela olweU.N. Security Council lukhangelelwe ukuba namuhla luzakwenza umhlangano ocelwe ngele Russia elithi uhulumende wakwele Ukraine wayelungisa izikhali ezisebenzisa imithi – amabiological weapons.

I-Associated Press ibika ukuba eleMelika lithi kungamanga okukhulunywa ngele Russia okukhanya selifuna ukusebenzisa izikhali lezi kulandela ukwehluleka kwalo ukuba lihluthune umbuso kulelolizwe ngesiphangiphangi.

UMongameli Volodymyr Zelenskyy wakwele Ukraine laye uthi uhulumende kaMnu. Vladmir Putin ukhuluma ize ngoba ibutho lakhe libona ntuthu endaweni ezinengi.

EleRussia selibhomba indawo ezinengi kwele Ukraine, okugoqela idolobho elikhulu eleKyiv lamanye.

Uhulumende wakwele Ukraine uthi abantu abedlula inkulungwane - 1,170 basanda kubulawa ngamasotsha eRussia edolobheni leMariupol. Bangcwatshwe egodini elikhulu – imass grave.

Umanyano weUnited Nations uthi abantu abedlula amakhulu amahlanu – 600 sebebulewe kwele Ukraine selokhu kwaqhamuka impi le ekupheleni kuka Nhlolanja. Abedlula izigidi ezimbili lengxenye – 2.5 million sebebaleke bayaphephela emazweni agoqela elePoland, Romania, Moldova lamanye.

Abadabuka eZimbabwe abafunda kwele Ukraine labo kubikwa ukuba sebesemazweni la loba kulabanye abazame ukusuka kwele Ukraine emadolobheni eleRussia elibhomba khona ngamandla.

UMnu. Rejoice Ngwenya, ingcwethi kwezombusazwe ezimeleyo, uthi kuyamangalisa okukhulunywa ngele Russia.

XS
SM
MD
LG