WASHINGTON DC – Kuhlelo lweWoza Friday namuhla sihamba leqembu le-rhumba eleEzakobonke Parental Bliss liphethe idlalade lalo lesine elilesihloko esithi ‘Efelweyo Ayibanjelwa Mazwi.’
Iqembu leli lidabuka eTsholotsho kodwa licuna likweleSouth Africa.
Lelidlalade liqukethe ingoma eziyisikhombisa ezibalisa ethi Satane Ngiyekele, Incane Lengane, Efelweyo Ayibanjelwa Mazwi, Nozipho, Kwazulu, Ngiyamesaba Umngane, kanye lethi Suka Sbhanxa.
Umholi waleliqembu uBlessing Luphahla utshele iStudio 7 ukuthi abafuna ukuthenga idlalade labo bengaxhumana laye kunombolo zakweleSouth Africa ezithi 0844383835 kumbe baxhumane laye kukhasi labo leFacebook kumbe eleInstagram phansi kwegama leqembu.
