amalinks wokungena

Breaking News

Inhloko Zendaba Mbimbitho 15, 2022


Inhloko Zendaba

*** Uzulu we Zimbabwe ukhala ngobunzima abhekane lawo osobubangwa ngamandla yikukhuphuka kwentengo yemphahla ezitholo ikakhulu ukudla ngenxa yokuqonga kwentengo yamafutha ezimotha. Ingcwethi zezenotho zithi lokhu kungabe kubangelwa yimpi yokuhlaselwa kwele Ukraine ngele Russia.

*** Izizalwane zeZimbabwe ezidabuka esiqintini seMzingwane, eMatabeleland South, ezihlala emazweni seziphathise ngokwakha indlu yezigulane lokufulela amahofisi esibhedlela seEsigodini ebesesibhidlika.

*** Sekuzasungulwa uhlelo lokufaka impawo endlebeni izifuyo zemizini esemngceleni weZimbabwe leBotswana, ezipha umkhondo wesifuyo alubana sithe salahleka loba ukutshontshwa, ama electronic ear tags, njengendlela yokulwisana lokuntshontshwa kwezifuyo.

*** Umthethwandaba kaMantshi wakoBulawayo walile ukulahla icala lentathelizindaba esebenza izimele, uJeffrey Moyo, usithi kumele amiswe phambi komthethwandaba ngecala lokuphathisa intethelizindaba zakwamanye amazwe ukungena elizweni zizosebenza kodwa zingatholanga imvumo yokwenza njalo kwamothetho.

KuLivetalk namhlanje kuhlelo “The Connection” sikhangela okwenziwa ngabasakhulayo lapho kulemikhankaso yamabandla ezombusazwe yokudinga usekelo kukhetho lwamaBy-elections elizweni.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG