amalinks wokungena

Breaking News

Inhloko Zendaba Mbimbitho 16, 2022


Inhloko zeNdaba
Inhloko zeNdaba

*** Kubotshwe abafundi beUniversity of Zimbabwe abalitshumi namuhla ngesikhathi betshengisela besola ukukhwela kwembadalo yemfundo kulelikolitshi. Amagqwetha enhlanganiso yeZimbabwe Lawyers for Human Rights athi abasolwa bavalelwe enkambeni yeAvondale.

*** Sokusele insuku eziyisitshiyagalolunye kuphela ukuthi kwenziwe ukhetho lwamaby-elections ngoMgqibelo weviki ezayo. Amabandla ezombusazwe asegqiba imikhankaso yawo ekhuthaza abantu ukuthi bawavotele kulolukhetho kanye lakukhetho luka2023.

*** Noma nje imngcele yeZimbabwe isivuliwe, abaphila ngokuthenga bethengisa imphahla ikakhulu kweleBotswana, bathi akukabi lobubelo kangako ngenxa yemigoqo ekhona efana lokudingakala ukuthi umuntu abe ehlatshiwe ijekiseni yeCOVID-19 ukuze angene kweleBotswana.

*** Umthethwandaba weSouth Africa ukhangelelwe ukunquma kudaba lapho abokuza abafuna kumiswe umkhankaso weqembu elizibiza ngokuthi Operation Dudula ngoba ungabangela udlakela lokukhethana ngobuzwe.

*** Amazwe afika phose amakhulu amabili – 190 – agoqela eleZimbabwe asembukisweni omkhulu owe2020 World Expo eDubai kwele United Arab Emirates. Umbukiso lo wamiswa ngabaqondisi bawo kulandela ukuqhamuka kobhubhane lweCOVID-19 ngomnyaka ka2020.

*** Esigabeni lapho esixoxa khona lezizalwane ze Zimbabwe esezihlala kwamanye amazwe, liviki siloMnu. Cecil Sibanda. U Sibanda osehlala esigabeni se Pennsylvania, khonapha eMelika, wakha isikolo seSecondary lapho akhulela khona eMzingwane.

*** Umongameli Volodymyr Zelenskyy wakwele Ukraine uthi eleMelika kumele libambisane lomanyano weNorth Atlantic Treaty Organization-NATO, ukuvikela emkhathini ilizwe lakhe ukuze eleRussia lingabhombi uzulu mahlayana.

***KuLivetalk namhlanje kuhlelo “Diaspora Forum” sikhangela okwenziwa ngabadabuka e Zimbabwe asebehlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG